Gunnar Finnlaugsson...

er staddur á landinu og verður með fyrirlestur og fer yfir nokkar skákir næskomandi miðvikudagskvöld í Selinu kl 19:30.

Gunnar hefur teflt með SSON frá upphafi og alltaf tekið þátt í Íslandsmóti Skákfélaga þótt um lengri veg sé fyrir hann að fara en marga aðra, en hann hefur verið búsettur í Svíþjóð allt frá velgengnisárum Abba. 

Ætla má að fyrirlestur Gunnars standi í rúma hálfa klukkustund, að honum loknum verður tekið skákmót.

Maggi Gunn skrambi seigur..

..og ber sigur úr býtum í fyrsta móti atskákraðar félagsins. 

Það voru 10 keppendur sem mættu til leiks, endurnærðir á sál og líkama eftir gott jólafrí.

Tefldar voru 15 mín skákir, 6 umferðir.

Þar sem keppendur eru jafnir að vinningum ákvarðar stigaútreikningur röð.

Lokastaða, vinningar og mótaraðarstig:

1. Magnús Gunnarsson                 5 v       12 stig
2. Igvar Örn Birgisson                   4,5v     9 stig
3. Grantas Grigoranas                  4 v       7 stig
4. Magnús Matthíasson                 3,5 v    5 stig
5.-6 Úlfhéðinn Sigurmundsson       3 v       4 stig
5.-6 Magnús Garðarsson              3 v       3 stig
7.-8 Þorvaldur Siggason               2,5 v     2 stig
7.-8 Ingimundur Sigurmundsson   2,5 v     1 stig
9. Erlingur Jensson                       2 v
10. Erlingur Atli Pálmarsson           0 v
 

fyrsta mótið í atskákröðinni í kvöld....

kl 19:30 í Selinu.  Tefldar verða 15 mínútna skákir.  Allir velkomnir að vanda. 

Atskákröð SSON !

Næstkomandi miðvikudag hinn 12.feb kl 19:30 verður fyrsta mótið í atskákröð SSON.  Tefldar verða 15 mín skákir 6 umferðir.

Atskákröðin er sería 6 móta sem fram munu fara með óreglulega millibili fram að vori. 

Veitt verða stig fyrir árangur í hverju móti, ekki er nauðsynlegt að taka þátt í þeim öllum enda mun árangur þriggja bestu móta telja.

Bókaverðlaun verða fyrir 5 stigahæstu keppendur seríunnar.

Stigagjöf mótaraðarinnar verður á eftirfarandi hátt:

    1. sæti 12 stig
    2. sæti  9 stig
    3. sæti  7 stig
    4.sæti   5 stig
    5.sæti   4 stig
    6.sæti   3 stig
    7.sæti   2 stig
    8.sæti   1 stig

Þess má geta að á mótinu verða nýjar skákklukkur félagsins vígðar !
   

Margir vilja halda Suðurlandsmót í skák !

Undirbúningur  fyrir mótið sem fram fer helgina 4.-6.feb stendur yfir.

Skipuleggjendur hafa átt nokkra fundi með mögulegum mótshöldurum og eiga enn eftir að ræða við nokkra áhugasama, staðsetning mótsins mun liggja fyrir innan fárra daga og verður þá gerð opinber á öllum helstu skákfréttamiðlum landsins.

Mótið verður öllum opið eins og í fyrra og hefst á föstudagskvöldinu, verður framhaldið á laugardeginum og lýkur síðan uppúr hádegi á sunnudeginum.

Tefldar verða 7-9 umferðir.  Mótsstjórn er að fjalla um áhugaverða tillögu varðandi tilhögun, hún gengur út á það að tefldar verði 9 umferðir, 3 kappskákir, 3 atskákir og 3 hraðskákir.  Gefin verða stig fyrir sigur og jafntefli samkvæmt eftirfarandi formúlu:

                                Sigur                        Jafntefli
       Hraðskák           6                                   3
       Atskák               12                                 6
       Kappskák          20                                 10

Samkvæmt þessum tillögum myndi sá vinna mótið sem flest stig hefur.  Tekið skal fram að þetta er einungis tillaga og að ekkert hefur enn verið ákveðið.  Gott væri að fá viðbrögð lesenda síðunnar varðandi þessa tilhögun - sem og aðrar tillögur varðandi það hvaða form mönnum þykir best.

Allar nákvæmari upplýsingar munu liggja fyrir og verða birtar hér innan skamms.

æfingar hefjast.....

...að nýju miðvikudaginn 12.janúar.  Upplýsingar um mót sem framundan eru verða birtar fljótlega.

Stjórn SSON sendir....

 

....félagsmönnum sínum hvar í heimi sem er kærar nýárskveðjur með innilegum þökkum fyrir skákárið sem er að líða.  Þökkum öllum þeim sem tekið hafa þátt í starfi félagsins í ár með von um að næsta skákár verði okkur jafn gott og það liðna.

Ingvar Örn stóð sig best...

...félagsmanna SSON á vel skipuðu Íslandsmóti í netskák sem fram fór í gærkvöldi.  Hann hlaut 4,5 vinninga í 9 skákum og endaði í 31.sæti og hlaut einnig verðlaun fyrir bestan árangur skákmanna með minna en 1800 skákstig.

Aðrir félagsmenn hlutu á bilinu 2,5-3 vinninga og eru líklega ekki sáttir við árangur sinn, sem þó er betri en sigurvegara mótsins-samanlagður.

Sigurvegari mótsins var FM Davíð Kjartansson með 8 vinninga, skákmeistari Suðurlands 2010 Björn Ívar Karlsson varð annar á mótinu með 7,5 vinninga.

Íslandsmótið í netskák...

..fer fram á ICC mánudagskvöldið 27.des kl 20.  Allir geta tekið þátt, þeir sem ekki hafa aðgang að ICC geta auðveldlega skráð sig þar og fengið aðgang sem gildir í eina viku án greiðslu.  Tefldar verða 9 umferðir með umhugsunartímann 4-2.

Nú þegar hafa 4 félagsmenn skráð sig til leiks, en það eru Magnús Garðarsson (magnus000) og Matthíasson (umfs), Ingvar Örn Birgisson (Kazama) og Erlingur Atli Pálmarsson (erlingur89) auk þess hefur Inga Birgisdóttir (fluga1)sem er heiðursfélagi SSON skráð sig. 

Fleiri Sunnlendingar hafa skráð sig til leiks, þannig eru Vestmannaeyingar með 3 keppendur, þá Björn Ívar Karlsson(TheGenius) og feðganna Sverri Unnarsson (sun) og Nökkva (Nokkvi94).

Allar nánari upplýsingar er hægt að nálgast hér: http://www.skak.blog.is/blog/skak/entry/1128484/

Hér er hægt að sjá frétt Taflfélags Vestmannaeyja um mótið: http://skakeyjan.blog.is/blog/skakeyjan/

Stjórn SSON óskar....

...félagsmönnum sínum nær og fjær, til sjávar og sveita, norðan miðbaugs sem sunnan gleðilegra jóla og farsældar á nýju ári með von um árangursríkt og skemmtilegt skákár 2011.