Staðan í hraðskákröð SSON !

Hér kemur staðan í hraðskákröðinni að loknum þremur mótum af 8. Mótaröð SSON 2012-2013
Staðan
				Mót 1	Mót 2	Mót 3
Ingvar Örn				10	10	8
Erlingur Atli					3	6
Erlingur Jensson
Ingimundur Sigurmundsson				5,5	5
Úlfhéðinn Sigurmundsson				4	3
Arnar Erlingsson
Björgin Guðmundsson					8	10
Grantas Grigoranas				5,5	5
Magnús Matthíasson				8	5
Einar Ingi Ingvarsson						5
	stigakefi:	1.sæti	10 stig
		2.sæti	8 stig
		3.sæti	6 stig
		4.sæti	5 stig
		5.sæti	4 stig
		6.sæti	3 stig
		7.sæti	2 stig
		8.sæti	1 stig

Þriðja mótið í ....

hraðskákröð SSON fer fram annað kvöld, miðvikudaginn 5.des kl 19:30.

Staðan í hraðskákröðinni kemur hér inn þegar gögn koma úr bakvinnslu.

UMFS Selfoss bestir !

Það voru fimm sveitir sem mættu til leiks í Selinu í kvöld.  Tvær sveitir frá Selfossi, tvær frá ungmennafélaginu Dímon úr Rangárþingi og síðan sveit frá ungmennafélaginu Baldri í Hraungerðishreppi.

Tefldar voru 15 mínútna skákir allir við alla, aldagamalli venju samkvæmt.

Við harðri baráttu að búast enda sveitir skipaðar sterkum keppendum, þannig voru þeir Dímonarsveinar með engan annan en hraðskákmeistara SSON á fyrsta borði, Selfyssingar höfðu honum til höfuðs Pál Leó á meðan Baldursliðar stilltu upp skák-og atskákmeistara SSON á fyrsta borði engum öðrum en Laugardælingnum knáa Ingimundi Sigurmundarsyni.

Minni spámenn síðan á 2.-4 borði í sveitunum en margir öflugir skákmenn eigi að síður og ekki má gleyma því að vinningar þeirra eru jú jafnmikilvægir og þeir sem framverðir sveitanna ná í hús.

Því miður náði Þór Þorlákshöfn ekki að manna sveit í ár en þeir hafa oft á tíðum riðið vel feitum hestum frá þessari sveitakeppni.

Í fyrstu umferð mætti a sveit Selfyssinga Dímon þar sem Selfyssingar höfðu fullnaðarsigur eða ippon, 4-0.

Í annari umferð máttu Baldursmenn síðan sættast á jafnan hlut á móti Dímon b, nokkuð óvænt úrslit miðað við að Baldurmenn höfðu titil að verja.

Í þriðju umferð mættust síðan Dímon a og Baldur, þá viðureign unnu Baldursmenn örugglega 3-1, sem átti eftir að reynast mikilvægur sigur.

Í þeirri fjórðu hafði síðan a sveit Selfoss góðan sigur á Baldri, 3-1 og nokkuð ljóst að erfitt yrði að koma í veg fyrir sigur mjólkurbæinga sem unnu síðan Dímon b örugglega í síðustu umferð.

Niðurstaðan sú að a sveit Selfoss vann keppnina örugglega með 15 vinningum af 16.

Jafnar í öðru til þriðja urðu síðan sveitir Baldurs og Dímon með 8,5 vinninga, en Baldur fékk silfur á sigri í innbyrðis viðureign.

1.       Umf Selfoss-a

Páll Leó   4v
Magnús M  3v
Ingvar Örn  4v 
Grantas  4v 

2.       Umf Baldur

Ingimundur  3v

Úlfhéðinn   4 v

Þorvaldur S  0v

Skeggi Skeggjas.  1,5 v

3.       Umf Dímon

Björgvin Guðm.  2v

Björgvin Reynis.  2v

Jón Helgason  2,5

Anton Guðjónss.  2v

Sveitakeppni HSK !

Sveitakeppni HSK fer fram næstkomandi miðvikudagskvöld i Selinu og hefst taflmennska kl 19:30.  Öllum ungmennafélögum á yfirráðasvæði HSK er heimilt að senda sveit til leiks.  Hver sveit skal skipuð 4 einstaklingum heilum á geði og með óflekkað mannorð.

Í fyrra tóku 6 sveitir þátt og eftir hörkukeppni voru það þeir félagar í ungmennafélaginu Baldri sem höfðu sigur.

Hraðskákröðin 2.mót..

miðvikudagskvöldið 21.nóv, tefldar verða 5 mín hraðskákir allir við alla.  Glæsileg verðlaun í boði fyrir efstu menn mótaraðarinnar.

Annan miðvikudag fer síðan fram Sveitakeppni HSK.

Hraðskákröðin heldur áfram..

Miðvikudagskvöldið 14.nóv fer fram annað mótið í hraðskákröðinni. Taflmennska hefst kl 19:30 og teflt er í Selinu venju samkvæmt.

Ingvar Örn leiðir mótaröðina eftir góðan sigur á 6 manna móti síðasta miðvikudag.

P.S formaður kemst ekki í kvöld, gott væri ef einhver úr stjórn myndi nálgast lykla hjá honum

Hraðskákröð SSON

Hraðskákröð SSON hefst í kvöld, tefld verða 6-7 mót og veitt stig fyrir árangur í hverju þeirra.  Samanlagður stigaárangur fjögurra bestu mótanna gildir síðan til sigurs hraðskákraðarinnar.

Mótin í hraðskákröðinni verða tefld annað slagið næstu 2-3 mánuði, þegar aðrir viðburðir eru ekki í gangi.

Veitt verða vegleg verðlaun fyrir 5 efstu sætin.

 

Björgvin hraðskákmeistari SSON !

Björgvin S.Guðmundsson varð í kvöld hraðskákmeistari SSON !

Átta keppendur mættu til leiks og var tefld tvöföld umferð alls 14 skákir eins og gefur að skilja.

Mótið að mörgu nokkuð jafnt, hraðskákmeistari síðasta árs Magnús Matthíasson tefldi þó af sæmilegu öryggi og leiddi mótið lengst af en aðrir keppendur voru mjög skammt undan.  Magnús sem hafði ekki tapað skák allt mótið mætti síðan Björgvini í síðustu umferð, Björgvin hafði sigur í báðum skákunum og náði þar með að jafna formanninn að vinningum.

Þeir tefldu því bráðabana, tvær skákir, Björgvin vann þá fyrri en Magnús þá síðari, var þá gripið til svokallaðrar heimsendaskákar þar sem dregið var um lit, Björgvin dró svartan og fékk 5 mín á klukkuna en Magnús hafði hvítt og sex mínútur.  Björgvini dugði jafntefli en gerði gott betur og vann skákina örugglega og tryggði sér þar með titilinn.

Í viðtali við síðuritara sagðist Magnús aðspurður vera sáttur við taflmennsku sína í mótinu og sagði að auki "ég mætti ofjarli mínum í Björgvini og óska honum innilega til hamingju með sigurinn", Magnús var þó að vonum niðurlútur eftir baráttuna og sagði að lokum, "ég hefði betur haldið mig við Anderson byrjunina heldur en að fara út í enska leiki í bráðabana, það hefur aldrei kunnað góðri lukku að stýra að leita í smiðju þeirra ensku".

Því miður náðist ekki viðtal við Björgvin á skákstað en stjórn félagsins óskar honum hjartanlega til hamingju með góðan sigur og titil.

Að lokum er vert að minna félagsmenn á sveitakeppni við Skákfélag Reykjanesbæjar sem fram í Keflavík annan laugardag.  Allir þeir sem áhuga hafa á að koma með eru beðnir um að láta formann vita.

Lokastaða:

1.Björgvin       10 v
2. Magnús M   10 v
3. Ingimundur  8 v
4. Grantas      7,5 v
5. Úlfhéðinn     7 v
6. Ingvar         7 v
7. Erlingur J     6,5 v
8. Arnar          0 v

Hraðskákmeistarmót SSON !

Næstkomandi miðvikudagskvöld fer fram Hraðskákmeistarmót félagsins, taflmennska hefst kl 19:30 og venju samkvæmt verður teflt í Selinu.

Tefldar verða 5 mín skákir, tvöföld umferð.

Mótið er öllum opið en einungis félagsmenn geta orðið hraðskákmeistarar SSON.

Núverandi hraðskákmeistari SSON er Magnús Matthíasson

Ingimundur atskákmeistari SSON !

Ingimundi Sigurmundssyni tókst að verja atskákmeistaratitil sinn með glæsibrag er hann bar sigur úr býtum á atskákmeistaramóti félagsins sem lauk í gærkvöldi.

Fyrir síðustu umferðir var ljóst að einungis tveir gátu ógnað sigri hans á mótinu, bróðir hans Úlfhéðinn og Sigurður H. Jónsson.

Ingimundur sýndi af sér feikna öryggi í skákum kvöldsins meðan þeir félagar töpuðu niður punktum.

Mótið fór að sjálfsögðu vel fram og skemmtu menn sér konunglega, veitingar voru góðar en formaður hafði eldað kjötsúpu sem vel fór ofan í mannskapinn.

 

Lokastaða og tafla:

Rank	Name	Rtg	1	2	3	4	5	6	7	8	9	10	11	12	13	14	Pts	SB
1	Ingimundur Sigurmundsson	1811	*	½	½	1	1	1	1	1	1	1	1	1	1		11	57.50
2	Sigurður H.  Jónsson	1774	½	*	½	½	1	1	1	1	1	1	1	1	1		10½	53.50
3	Úlfhéðinn Sigurmundsson	1796	½	½	*	1	0	1	0	1	½	1	1	1	1		8½	42.00
4	Páll Leó Jónsson	2043	0	½	0	*	1	1	½	1	½	1	1	1	1		8½	39.25
5	Grantas Grigoranas	1689	0	0	1	0	*	0	1	1	1	1	1	1	1		8	33.00
6	Ingvar Örn Birigsson	1812	0	0	0	0	1	*	1	0	1	1	1	1	1		7	26.50
7	Erlingur Jensson	1754	0	0	1	½	0	0	*	1	1	0	1	1	1		6½	27.25
8	Pálmar Breiðfjörð	1811	0	0	0	0	0	1	0	*	1	1	1	1	1		6	19.00
9	Magnús Matthíasson	1622	0	0	½	½	0	0	0	0	*	½	1	1	1		4½	14.25
10	Þorvaldur Siggason	1395	0	0	0	0	0	0	1	0	½	*	0	1	1		3½	10.25
11	Arnar Erlingsson	1200	0	0	0	0	0	0	0	0	0	1	*	½	1		2½	4.25
12	Erlingur Atli Pálmarsson	1348	0	0	0	0	0	0	0	0	0	0	½	*	1		1½	1.25
13	Einar S. Guðmundsson	1791	0	0	0	0	0	0	0	0	0	0	0	0	*		0	0.00
	Skotta	1200														*	0	0.00

 

 

 

 

 

 

 

 

 

 

 

 

 

 

fleiri myndir í myndaalbúmi