Páll Leó..

 

vinnur hraðskákmót af öryggi.  Níu keppendur mættu til leiks í kvöld og tefldu tvöfalda umferð af 5 mínútna skákum alls 16 skákir hver.

Páll Leó var með fullt hús vinninga að loknum fyrri hlutanum en slakaði eilítið á í þeim seinni, tapaði fyrir Ingvari Erni sem varð annar á mótinu og gerði jafntefli við formanninn og Ingimund.

 

Lokastaðan:
1. Páll Leó           14
2. Ingvar Örn      11
3. Ingimundur     9,5
4. Magnús           9
5. Erlingur J         9
6. Inga               8,5
7. Grantas          6,5
8. Magnús Garð  6
9. Arnar              0

Ofurhraðskákmót !

Hið árlega Ofurhraðskákmót SSON fer fram miðvikudagskvöldið 4.janúar, tefldar verða 5 mínútna skákir í Selinu að vanda.

Áður en mót hefst mun formaður fara yfir dagskrá félagsins fram að vori.

Hvetjum félagsmenn til að mæta.

Hraðskákmeistari félagsins verður á staðnum og mun veita keppendum holl ráð á milli skáka.

Flugeldamót SSON !

 

Miðvikudaginn 28.des fer fram árlegt flugeldamót félagsins.  Teflt verður í Selinu og hefst taflmennska kl 19:30 eða 19:45 ef Ingimundur verður með, sem er nokkuð líklegt.

Flugeldar af öllum stærðum og gerðum í verðlaun fyrir 3 efstu sætin.  Að auki verða 2 heppnir keppendur dregnir út og fá einnig flugelda og allskyns áramótadót.

Tefld verður hraðskák með 5 mínútna umhugsunartíma, að lágmarki 12 umferðir.

Hvetjum landsmenn nær og fjær til að koma og taka þátt í þessu stærsta flugeldaskákmóti landsins.

Páll Leó Vetrarsólstöðumeistari SSON 2011 !

Þrettán keppendur settust að tafli í kvöld á hinu árlega Vetrarsólstöðumóti félagsins þar á meðal góðir gestir og miklir vinir okkar þeir Óskar Haraldsson og Gunnar Freyr Rúnarsson með þeim í för var einnig þýðversk stúlka frá Nürnberg er gegnir nafninu Lea, því voru hvorutveggja ljón og ljónynja að tafli á Selfossi í kvöld.

Tefldar voru 5 mínútna skákir allir við alla og öfugt.  Snemma tóku þeir Gunnar Freyr og Páll Leó forystuna með þá bræður Úlfhéðinn og Ingimund skammt undan, aðrir náðu ekki að blanda sér af neinu viti í topbaráttuna.

Í áttundu umferð mættust þeir Gunnar og Páll, þar hafði Páll öruggan sigur og náði forystunni og lét hana ekki af hendi það sem lifði móts.  Sá eini sem náði að taka vinning af Páli var Grantas sem náði þó ekki nema hálfum.

Lokastaða:

1. Páll Leó                     11,5
2. Gunnar Freyr             10,5
3. Úlfhéðinn                    8
4. Ingimundur                 6,5
5.-7. Grantas                 6
5.-7. Ingvar Örn             6
5.-7. Erlingur J                6
8.-9. Inga                       5,5
8.-9. Magnús M              5,5
10. Óskar H                    4,5
11.-13. Lea                    3
11.-13. Magnús Garð      3
11.-13. Erlingur Atli         3

Miðvikudaginn 28.des fer fram jólamót félagsins og hefst taflmennska venju samkvæmt kl 19:30.

Vetrarsólstöðumót SSON !.....update

fer fram næstkomandi miðvikudagskvöld kl 19:30, tefldar verða hraðskákir venju samkvæmt að lágmarki 12 umferðir.

Allir þeir sem tóku þátt í hinu árlega aðventuhraðskákmóti síðasta miðvikudag hafa boðað komu sína, að auki má jafnvel búast við góðum gestum af höfuðborgarsvæðinu.

Léttar veitingar í boði Kjörís, venju samkvæmt.

Staðfest: Félagar okkar af höfuðborgarsvæðinu mæta til leiks !

 

Grantas bestur !

 

Það voru 8 vaskir sveinar og ein mey sem settust að tafli í Selinu í kvöld, tefldar voru 5 mín skákir alls 16 umferðir.  Venju samkvæmt var mótið jafnt og margir að berjast um sigurinn. 

Meðan á móti stóð og á milli skáka gæddu keppendur sér á ljúffengum veitingum sem Inga töfraði fram af sinni alkunnu eldhússnilld og ekki nóg með það heldur kom Arnar með piparkökuís frá Kjörís sem er einmitt vinnustaður hans og Grantas.

Grantas sem hefur verið upp og niður eins og jó jó síðustu vikur fann í fórum sínum gamla takta og vann mótið af öryggi með 11,5 vinninga.

Jafnir í 2.-4.sæti með 9,5 vinninga voru þeir Ingvar Örn, Magnús Matt og Páll Leó.

Lokastaðan.

1.  Grantas                                        11,5
2.-4.  Ingvar Örn, Magnús, Páll Leó     9,5
5.  Úlfhéðinn                                       9
6.-7.  Inga og Erlingur J                      8,5
8. Ingimundur                                    6
9. Arnar                                             0

    Næstkomandi miðvikudag fer fram hið árlega Vetrarsólstöðumót þar sem tefldar eru hraðskákir, það verður síðasta mót fyrir jól.

Hraðskákmót, stuttur fundur og kakó og kökur í boði skákmeistara SSON !

Næstkomandi miðvikudagskvöld fer fram hið árlega aðventuhraðskákmót SSON, tefldar verða 5 mín skákir, lágmark 10 umferðir.

Áður en mót hefst verður stuttur félags-/stjórnarfundur sem ætla má að taki að hámarki 20 mínútur.

Hvetjum alla til að mæta og afstressa sig með nokkrum liprum leifturskákum.

Ingibjörg Edda Birgisdóttir sér um veitingar af sinni alkunnu snilld en þetta mun vera 14 árið í röð sem hún bakar fyrir félagsmenn á aðventumótinu sem fram fer í 26 sinn.

Páll Leó kom..

sá og sigraði á árlegu Stigamóti félagsins.  Páll Leó sem því miður vinnu sinnar vegna hefur ekki getað teflt mikið með okkur undanfarin ár mætti á sýna fyrstu æfingu í vetur og hafði öruggan sigur.

Fyrirkomulagið var þess eðllis að tefldar voru 5 mín skákir og voru gefin 3 stig fyrir sigur með svörtu, 2 með hvítu og eitt stig fyrir jafntefli.

Eins og áður sagði vann Páll Leó mótið, tapaði einungis einni skák örugglega fyrir formanninum.  Páll hlaut 28 stig í 12 skákum.  Annar varð Grantas með 19 stig, Magnús M og Ingvar voru með 17 stig, aðrir minna eins og gefur að skilja.

Stigamót SSON

Miðvikudagskvöldið 30.nóv kl 19:30 fer fram hið árlega stigamót félagsins.

Tefldar verða 5-10 mín skákir þar sem jafntefli gefur eitt stig, sigur með hvítum tvö og sigur með svörtum þrjú stig.

Tefld verður tvöföld umferð, allir við alla hina og öfugt einnig.

Jafnvel verðlaun fyrir efsta sæti.

UMF Baldur meistari !

Sveitakeppni HSK fór fram í Selinu í kvöld, 6 sveitir skipaðar fjórum skákmönnum hver.

UMF Selfoss var með 2 sveitir, UMF Dímon sömuleiðis og síðan var Þór Þorlákshöfn með eina sem og UMF Baldur.

Fyrirfram hefði mátt ætla að Baldur og Þór væru með sterkustu sveitirnar, það reyndist líka vera.

Þór skipaður þeim syskinum Ingu og Ingvari Birgisbörnum sem og Erlingi Jens og Magnúsi Garðars.

Baldur með þá bræður Ingimund og Úlfhéðinn á fyrstu borðum og síðan Arnór Gauta og Skeggja Skeggjason frá Skeggjastöðum á 3. og 4.borði.

Selfyssingar nokkuð laskaðir en þó með Hraðskákmeistara félagsins og Grantas á fyrstu borðum, Magnús Gunn og Arnar von Oberhausen á  þriðja og fjórða.

Dímon seigir að vanda með 2 sveitir, skipaðar hörkunöglum eins og þeirra er von og vísa.

Síðan var Selfoss með sveit skipaða ungum og efnilegum menntskælingum.

Baldursmenn gáfu tóninn í byrjun og unnu Selfoss2 með fullu húsi meðan Þór vann 2,5-1,5 sigur á Dímon 1.

Baldursmenn mættu síðan Selfyssingum í þriðju umferð,  þar sem Maggi Matt og Grantas unnu þá Sigurmundssyni næsta auðveldlega en Arnór og Skeggi unnu á 3. og 4.borði.

Baldar töpuðu reyndar 2 viðureignum á móti Þór og Dímon, en unnu hinir þrjár með fullu húsi vinninga sem dugði þeim til sigurs.

Þór landaði silfurverðlaunum og Selfyssingar tóku bronsið.

Lokastaðan:

UMF Baldur     15,5
UMF Þór         14,5
UMFS             12
UMF Dímonn   9,5
UMF Dímon     5,5
UMFS              3

Borðaverðlaun :
1.borð Magnús Matthíasson 4v
2.borð Grantas                    5v
3.borð Inga og Arnór           4v
4.borð Skeggi                      5v