Eyjapeyjaherinn að vígbúast

Eyjamenn ætla sér greinilega stóra hluti á Suðurlandsmótinu í ár og hafa skráð 10 keppendur til leiks, vel búna vopnum og vistum til stórátaka á Laugarvatni.

Mótshaldarar fagna þessu frækna strandhöggi þeirra.

Þá er keppendafjöldinn kominn yfir 20 keppendur og verður keppendalisti birtur eftir helgi.

Ljóst að stefnir í skemmtilegt mót.

Athugasemdir

[Taflfélag Vestmannaeyja, 22.1.2010 kl. 17:17]

  Strandhögg Eyjamanna mun sækjast vel allt þar til þeir koma í búðir Haukdæla á Laugarvatni þá má búast við snörpum viðureignum, enda fornir og frægir þeir allir, afkomendur Haukdæla hinna fornu.

[SSON - Skákfélag Selfoss og nágrennis, 22.1.2010 kl. 18:02]

Haukdælir munu að sjálfsögðu verjast og berjast til síðasta manns, lítil stóð þeim ógnin af Sturlungum forðum, von að hún verði meiri af Sæhetjum sunnan úr höfum