Þorsteinn leiðir að loknum 3 umferðum

Gríðarlega stemmning á skákstað þegar 30 skákmenn settust að tafli að Laugarvatni í kvöld.

Tefldar voru 3 fyrstu umferðirnar atskákir.  Þorsteinn Þorsteinsson leiðir með fullu húsi eftir að hafa lagt að velli enga minni spámenn en Ingvar Örn Birgisson skákmeistara SSON, Sigurð H.Jónsson margfaldan Reykjanesmeistara og síðast en ekki síst hinn viðkunnalega formann Hellis Vigfús Ó. Vigfússon. Vigfús mun reyndar hafa verið með hartnær unnið tafl að sögn sérfræðinga á staðnum en Þorsteinn mun ekki hafa látið það hafa áhrif á sig heldur gerði betur en að vera með hartnær unnið og vann og leiðir mótið eins og fyrr sagði.

Í humátt þar á eftir með 2.5 koma Björn Ívar og Þorvarður sem gerðu jafntefli í innbyrðis viðureign og síðan núverandi Suðurlandsmeisrari Magnús Gunnarsson.

Ekki var mikið um óvænt úrslit, en þó má geta þess að Daði Steinn Jónsson gerði jafntefli við áðurnefndan Magnús og að feðgarnir Sverrir og Nökkvi gerðu báðir jafntefli við Sævar Bjarnason.   Hinn ungi Laugvetningur Emil Sigurðarson hefur einnig staðið sig vel og m.a gert jafntefli við  feðgana frá Eyjum.

4.umferð hefst kl 11:00 í fyrramálið.

Chess-Results: http://chess-results.com/tnr30028.aspx?lan=1