Björn Ívar Suðurlandsmeistari

Björn Ívar tryggði sér sigur í baráttunni um Suðurlandsmeistaratitilinn með sigri á Emil Sigurðarsyni í síðustu umferð.  Hann og Þorsteinn Þorsteinsson urðu jafnir og efstir á mótinu með 5,5 vinninga.  Þeir tefldu síðan hraðskákir um sigur á mótinu þar sem Björn Ívar vann fyrri og Þorsteinn seinni, í bráðabana hafði síðan Björn Ívar betur og er því sigurvegari Suðurlandsmótsins og Suðurlandsmeistari, sannarlega frábær árangur hjá Eyjapeyjanum viðkunnalega.

Í þriðja til fimmta sæti urðu Sævar Bjarnason, Þorvarður Fannar og Magnús Gunnarsson með 5 vinninga.

Í baráttunni um Suðurlandsmeistaratitilinn varð síðan Magnús Gunnarsson annar og Sverrir Unnarsson þriðji, hærri á stigum en Ingvar Örn Birgisson og Grantas Grogorianas.

Í flokki 16 ára og yngri varð Laugvetningurinn knái Emil Sigurðarson efstur með 4 vinninga, annar varð Nökkvi Sverrisson og þriðji Daði Steinn Jónsson.

http://chess-results.com/tnr30028.aspx?lan=1