Að loknu Suðurlandsmóti

Mótsstjori vill koma á framfæri þökkum til allra þeirra sem tóku þátt í Suðurlandsmótinu í skák á Laugarvatni. Það virðist vera mál manna að vel hafi til tekist, skemmtilega blanda skákmanna víða að af ýmsum styrkleikum.

Eyjapeyjar eiga hrós skilið fyrir að vera með fjölmennasta hópinn á mótinu, félagar úr Skákfélagi Reykjanesbæjar áttu líka um langan veg að fara og er þeim þökkuð tryggðin við mótið sem og öllum keppendum hvaðan að úr heiminum.

Björn Ívar Karlsson var vel að sigrinum kominn og getur borið meistaratitilinn með reisn næsta árið.

Emil Sigurðarson sem er 13 ára gamall stóð sig einstaklega vel á mótinu og var efstur keppenda undir 16 ára - og reyndar fyrir ofan þá flesta eldri líka!

Aðstæður á skákstað voru góðar og nutu menn góðra veitinga þeirra heiðurshjóna Jónu og Gunnars á Laugarvatni. Gunnar sem tók einnig þátt í mótinu á milli þess sem hann smurði samlokur fyrir menn, varð síðan þessa vafasama heiðurs aðnjótandi að tapa skák þegar sími hans hringdi.

þakkir, þakkir, sjáumst að ári kæru vinir

GENS UNA SUMUS