Hver er þessi Grant?

 

Grant Grigorian alias Grantas Grigorianas mun vera fæddur í Bakú sem er höfuðborg Aserbaídsjan, eins og heimsmeistarinn Kasparov.  Ekki er vitað mikið um uppvaxtarár meistarans annað en það að hann tefldi við heimsmeistarann á hans yngri árum og vann hann.

Grant fluttist til Litháen ásamt fjölskyldu sinni og þaðan til Íslands fyrir ca 10 árum, hann býr í Hveragerði og starfar í frystiklefanum hjá Kjörís eins og Rocky.  Þar er árlega haldið hraðskákmót honum til heiðurs, sem hann vinnur alltaf.

Grant mætir alltaf á skákæfingar, er hvers manns hugljúfi og drengur sérstaklega góður.

Grant hefur einstaklega skemmtilega nálgun á skáklistina.  Hann semur aldrei um jafntefli, stöku sinnum þó þegar bara kóngarnar eru eftir á borðinu.

Hann stendur aldrei upp frá skákborðinu meðan á skák stendur, eina undantekningin ef nikótínþörfin verður óbærileg, en bara ef staðan á borðinu er betri fyrir hann.

Hann hefur til að bera ótrúlega stóíska ró, ekkert kemur honum úr jafnvægi, situr ætíð pollrólegur við skákborðið.

Hann teflir bara til sigurs, hann telur aldrei mennina á borðinu, hann hugsar bara í mátleiðum.

Grant er svo sannarlega verðugur skákmeistari SSON 2010