Magnús efstur..

Í kvöld fóru fram 4 umferðir í atskákmeistaramótinu. 

Margar athyglisverðar viðureignir fóru fram, má þar t.d. nefna skák Ingimundar og Magnúsar Gunn, Magnús sem tefldi skákina sérstaklega vel varð það á að leika af sér riddara í unnu endatafli, sem gerði það að verkum að þeir félagar voru með jafnt lið á borði, Ingimundur náði að láta kné fylgja kviði og lagði Magnús í hrikalegu tímahraki.

Magnús gerði síðan jafntefli við nafna sinn Matthíasson og lagði Ingvar Örn, en tapaði síðan óvænt fyrir Erlingi Atla.  Erlingur var þarna líklega að tefla sína allra bestu skák og Magnús ekki öfundsverður af því að lenda í klóm hans í þessum ham.

Emil Sigurðarson hélt uppteknum hætti og er taplaus á mótinu, lagði þá félaga sína Gunnar og Sigurjón nokkuð örugglega, auk þess að bera sigurorð af áðurnefndum Erlingi Atla.

Magnús Matt sem einnig er taplaus á mótinu tefldi við þrjá nafna sína í kvöld og fékk 2,5 vinninga úr þeim viðureignum.  Magnús mætti síðan Íslandsmeistaranum í síðustu umferð kvöldsins, Inga tefldi byrjunina af ótrúlegri hörku og átti hálfþýskarinn í stökustu vandræðum þótt hvítt hefði, Inga vélaði 2 peð af Magnúsi í fyrstu 14 leikjunum en tefldi síðan eilítið ónákvæmt sem gerði það að verkum að Magnús náði að snúa hana niður með ippon og fullnaðarsigri. 

Eftir skákina tjáði úrvinda Magnús blaðamönnum að hann myndi hér eftir ekki reyna að tefla enskan leik heldur halda sig við hina traustu byrjun landa síns Adolf Anderssen. 

Inga sem er að tefla á sínu fyrsta móti í háa herrans tíð er að tefla einstaklega vel og vonandi að hún haldi uppteknum hætti sem lengst.

Sigurjón er einnig að eiga gott mót og er með 3 vinninga að loknum 7 umferðum.

Sjáum hvað setur, að viku liðinni ráðast úrslit mótsins.

Úrslit:

Name	Rtg	Res.	Name	Rtg
Emil Sigurðarson	1630	1  -  0	Erlingur Atli Pálmarsson	1510
Sigurjón Njarðarson	0	0  -  1	Ingvar Örn Birgisson	0
Magnús Garðarsson	1525	0  -  1	Magnús Matthíasson	1725
Magnús Gunnarsson	1990	0  -  1	Ingimundur Sigurmundsson	1950
Magnús Bjarki Snæbjörnsson	0	0  -  1	Inga Birgisdóttir	0
Gunnar Vilmundarson	0		Bye	0
Name	Rtg	Res.	Name	Rtg
Ingimundur Sigurmundsson	1950	1  -  0	Magnús Bjarki Snæbjörnsson	0
Magnús Matthíasson	1725	½  -  ½	Magnús Gunnarsson	1990
Ingvar Örn Birgisson	0	1  -  0	Magnús Garðarsson	1525
Erlingur Atli Pálmarsson	1510	0  -  1	Sigurjón Njarðarson	0
Gunnar Vilmundarson	0	0  -  1	Emil Sigurðarson	1630
Inga Birgisdóttir	0		Bye	0
Name	Rtg	Res.	Name	Rtg
Sigurjón Njarðarson	0	1  -  0	Gunnar Vilmundarson	0
Magnús Garðarsson	1525	1  -  0	Erlingur Atli Pálmarsson	1510
Magnús Gunnarsson	1990	1  -  0	Ingvar Örn Birgisson	0
Magnús Bjarki Snæbjörnsson	0	0  -  1	Magnús Matthíasson	1725
Inga Birgisdóttir	0	0  -  1	Ingimundur Sigurmundsson	1950
Emil Sigurðarson	1630		Bye	0
Name	Rtg	Res.	Name	Rtg
Magnús Matthíasson	1725	1  -  0	Inga Birgisdóttir	0
Ingvar Örn Birgisson	0	1  -  0	Magnús Bjarki Snæbjörnsson	0
Erlingur Atli Pálmarsson	1510	1  -  0	Magnús Gunnarsson	1990
Gunnar Vilmundarson	0	1  -  0	Magnús Garðarsson	1525
Emil Sigurðarson	1630	1  -  0	Sigurjón Njarðarson	0
Ingimundur Sigurmundsson	1950		Bye	0

Staðan:

Rank	Name	Rtg	Pts	SB.
1	Magnús Matthíasson	1725	6	15,00
2	Emil Sigurðarson	1630	5	16,25
3	Ingvar Örn Birgisson	0	4½	10,00
4	Ingimundur Sigurmundsson	1950	4	8,50
5	Magnús Gunnarsson	1990	3	9,00
6	Sigurjón Njarðarson	0	3	8,00
7	Inga Birgisdóttir	0	3	5,75
8	Gunnar Vilmundarson	0	2½	6,25
9	Magnús Garðarsson	1525	2½	3,00
10	Erlingur Atli Pálmarsson	1510	1½	5,25
11	Magnús Bjarki Snæbjörnsson	0	0	0,00