Íslandsmót skákfélaga á Selfossi !

Stjórn Skáksambands Íslands afgreiddi erindi stjórnar SSON á eftirfarandi hátt:

"Erindi hefur borist frá formanni SSON um að félagið fái að halda síðari hluta Íslandsmótsins á Selfossi dagana 4. og 5. mars 2011. Flestir stjórnarmenn taka vel í erindið en gera kröfur um að heimamenn sjái um uppröðun og frágang á skákstað, ókeypis húsnæði undir mótshaldið og útvegi gistingu á sanngjörnu verði".

Samkvæmt þessu er nokkuð ljóst að mótið mun fara fram á Selfossi enda ætti að vera lítið mál að ganga að kröfum stjórnar SÍ.

þetta er vissulega mikið fagnaðarefni fyrir Skákfélag Selfoss og nágrennis, Sunnlendinga alla og ekki síður fyrir íslenska skákhreyfingu.

Mjög sjaldgæft er að stjórn SÍ taki ákvörðun um að halda þessa stærstu skákhátíð Íslands utan Reykjavíkur og ber að taka ofan fyrir stjórninni sem sýnir þarna svo sannarlega í verki að skák á Íslandi er fyrir alla, unga sem aldna, byrjendur sem lengra komna, konur og karla - hvar svo sem þeir á landinu búa.

gens una sumus !