æfingar hefjast.....

...að nýju miðvikudaginn 12.janúar.  Upplýsingar um mót sem framundan eru verða birtar fljótlega.

Athugasemdir

[Taflfélag Vestmannaeyja, 6.1.2011 kl. 15:50]

  Kæru vinir í Flóa, Hreppum, á Ströndinni og í Uppsveitum (og Hvergerðingar þeir sem kunna mannganginn).  Við sendum ykkur öllum nýárskveðjur og hvetjum ykkur til að koma oftar yfir til Eyja og taka þar þátt í skákviðburðum.  Þið verðið ekkert svo voða sjóveikir ef þið farið frá Land-Eyjahöfn.
  Við þökkum fyrir gamla árið og hlökkum til að mæta á Suðurlandsmótið ef veður og guð leyfa.
Kær kveðja frá Eyjum.
Karl Gauti Hjaltason formaður TV.

[SSON - Skákfélag Selfoss og nágrennis, 7.1.2011 kl. 21:17]

Ágætu Eyjamenn, þökkum góðar kveðjur og sendum slíkar einnig yfir hafið til ykkar. 
Þökkum einnig gott boð um að tefla í Eyjum og höfum þegar pantað far með fyrsta strandferðaskipi vorsins, tökum einnig með okkur vatnsbirgðir og rafmagn á brúsum ef til vetursetu kemur.
Hlökkum síðan sérstaklega til að sjá ykkur á Suðurlandsmótinu enda þið flestir ágætlega færir skákmenn og allir drengir góðir.
Okkur langar síðan að senda sérstakar kveðjur á höfðingjann Stefán Gíslason frá Stórhöfða sem afmæli átti um daginn, en hann var einmitt fyrsti Vestmannaeyingurinn sem kom á Selfoss árið 1971.
kær kveðja frá Selfossi
Magnús Matthíasson formaður SSON