Margir vilja halda Suðurlandsmót í skák !

Undirbúningur  fyrir mótið sem fram fer helgina 4.-6.feb stendur yfir.

Skipuleggjendur hafa átt nokkra fundi með mögulegum mótshöldurum og eiga enn eftir að ræða við nokkra áhugasama, staðsetning mótsins mun liggja fyrir innan fárra daga og verður þá gerð opinber á öllum helstu skákfréttamiðlum landsins.

Mótið verður öllum opið eins og í fyrra og hefst á föstudagskvöldinu, verður framhaldið á laugardeginum og lýkur síðan uppúr hádegi á sunnudeginum.

Tefldar verða 7-9 umferðir.  Mótsstjórn er að fjalla um áhugaverða tillögu varðandi tilhögun, hún gengur út á það að tefldar verði 9 umferðir, 3 kappskákir, 3 atskákir og 3 hraðskákir.  Gefin verða stig fyrir sigur og jafntefli samkvæmt eftirfarandi formúlu:

                                Sigur                        Jafntefli
       Hraðskák           6                                   3
       Atskák               12                                 6
       Kappskák          20                                 10

Samkvæmt þessum tillögum myndi sá vinna mótið sem flest stig hefur.  Tekið skal fram að þetta er einungis tillaga og að ekkert hefur enn verið ákveðið.  Gott væri að fá viðbrögð lesenda síðunnar varðandi þessa tilhögun - sem og aðrar tillögur varðandi það hvaða form mönnum þykir best.

Allar nákvæmari upplýsingar munu liggja fyrir og verða birtar hér innan skamms.

Athugasemdir

[Erlingur (IP-tala skráð) 7.1.2011 kl. 22:18]

Mér líst á að prófa e-ð svona, sérstaklega ef það er nú í fyrsta skipti á landinu sem svona fyrirkomulag verður viðhaft!

[EJ (IP-tala skráð) 7.1.2011 kl. 22:20]

Vel vildi ég sagt hafa.

[Skák.is, 7.1.2011 kl. 22:31]

Frumlegt Magnús, verulega frumlegt.  

[SSON - Skákfélag Selfoss og nágrennis, 7.1.2011 kl. 23:58]

já mér finnst þetta nokkuð athyglisvert og frumlegt og er hrifinn af þessari hugmynd .  Stjórnarmaður í TV hafði samband og stakk upp á að minnka vægið fyrir jafntefli til að hvetja menn til að tefla til sigurs. 
Stigagjöfin gæti þá t.d. verið:  6-2, 12-4 og 20-8.

[SSON - Skákfélag Selfoss og nágrennis, 8.1.2011 kl. 01:08]

gaman að sjá skak.is tjá sig hér á síðunni, vil nota tækifærið og benda honum á að mótaáætlun SÍ er með ranga dagsetningu á Suðurlandsmótinu.

   kær kveðja Magnús Matt

[Skák.is, 8.1.2011 kl. 10:05]

Hefur verið kippt í liðinn, Herr Magnús!

[Stigamaðurinn (IP-tala skráð) 9.1.2011 kl. 12:32]

Það hefur verið tilhneyging til þess í þessum "stigamótum" að gefa hlutfallslega meira fyrir vinning en jafntefli.  Það er kannski ekki rétt í hraðskákinni, en það mætti hugsa sér stigagjöfina eftirfarandi:

                                  Sigur                        Jafntefli
       Hraðskák           6                                   3
       Atskák               12                                 5
       Kappskák          20                                 7

[Sigurður H Jonsson (IP-tala skráð) 9.1.2011 kl. 23:15]

Sæll Magnús og aðrir SSON menn ! Fór á SÞN  2007 hjá Hermanni og hans Goðamönnum, 4 atskákir og 3 langar . Flott blanda  frábært mót . Mætti svo 2008 hjá Unnari Ingvars og félögum í Skagafirði að Bakkaflötum . Sama system ,glæsilegt mót . Suðurlandsmótið var endurvakið 2009 mætti þar að sjálsögðu , sama fyrikomulag og SSON mönnum til sóma !! Suðurlandsmótið 2010 fór fram á Laugavatni= frábært mót . I stuttu máli afhverju að breyta ??? PS hraðskáksfíklarnir fá oftast hraðmót eftir aðalmótið + þetta fælir sennilega marga miðaldra + menn frá .Svo að lengi lifi 4+3 kerfið sem var siðast .

með vinsemd og virðingu

 Sigurður H Jónsson

[SSON - Skákfélag Selfoss og nágrennis, 12.1.2011 kl. 14:37]

þakka öllum þeim sem tjáð hafa sig um málið, að sjálfsögðu munu mótshaldarar gera allt sem í þeirri valdi er til að tryggja að allir séu ánægðir .

Innan tveggja til þriggja daga ætti að liggja fyrir hvar mótið fer fram og annað fyrirkomulag.

Þess má síðan geta að þegar hafa margir skráð sig án þess að vita um staðsetningu og fyrirkomulag !