Suðurlandsmótið-upplýsingar

Keppnisstaður: Félagsheimilið Þingborg í Hraungerðishreppi, 5 km austan við Selfoss

Dagskrá: 

• Föstudagur 4.feb kl 19:30                   Mótssetning
• Föstudagur 4.feb kl 20:00                   1. umferð-atskák 25 mín
• Föstudagur 4.feb kl 21:00                   2. umferð-atskák 25 mín
• Föstudagur 4.feb kl 22:00                   3. umferð atskák 25 mín
• Laugardagur 5.feb kl 11:00                 4. umferð atskák 25 mín
• Laugardagur 5.feb kl 13:00                 5. umferð kappskák
• Laugardagur 5.feb kl 18:00                 6. umferð kappskák
• Sunnudagur  6.feb kl 10:00                 7. umferð kappskák

Hraðskákmeistaramót Suðurlands: Sunnudagur kl 14:00: Tefldar verða 9 umferðir, 5 mínútna skákir.

Atskák 25 mínútur
Kappskák 90 mín+30 sek
Skákir reiknast til skákstiga, íslenskra og Elo.

Mótið er öllum opið, en einungis keppendur búsettir í Suðurkjördæmi geta orðið skákmeistarar Suðurlands.

Keppnisgjald: 2.500.-kr.

Gisting: Boðið er upp á mjög góð svefnpokapláss á keppnisstað, dýnur á staðnum menn þurfa að taka með sér rúmföt.  Aðstaða mjög góð, aðgangur að sturtum, heitum potti og íþróttasal sem og fullbúnu eldhúsi og fleira spennandi. Verð fyrir 2 nætur 2.500.- kr. á haus. 
Mótshaldarar vilja einnig benda á góða gistimöguleika á Selfossi, t.a.m. Gesthús þar sem keppendur geta gist í litlum sumarbústöðum eða Menam sem leigir út herbergi.  Síðan er ekki langt að Ölfusborgum en mótshaldarar vita að einhverjir keppenda hafa hug á að leigja sér bústaði þar.

Skráning og frekari upplýsingar hjá mótsstjóra Magnúsi Matthíassyni í síma 691 2254, eða með athugasemd hér á síðunni.

Athugasemdir

[Sigurður H Jonsson (IP-tala skráð) 18.1.2011 kl. 20:21]

Sigurður H Jónsson - Einar S Guðmundsson og Loftur H Jónsson , kannski fleiri á eftir nú erað bresta á Island- Austuriki !! ( tökum þá i nefið )

[SSON - Skákfélag Selfoss og nágrennis, 18.1.2011 kl. 20:23]

glæsilegt, maður getur treyst á Suðurnesjamenn!

[Björn Ívar Karlsson (IP-tala skráð) 18.1.2011 kl. 22:20]

Það ber vart að nefna að ég mæti AÐ SJÁLFSÖGÐU á mót sem MM stendur fyrir.

- BÍK

[SSON - Skákfélag Selfoss og nágrennis, 18.1.2011 kl. 23:35]

ánægður með þig Björn Ívar, mætir til að eiga góðar stundir og freista þess að verja titilinn svona í leiðinni

[Emil Ólafsson (IP-tala skráð) 19.1.2011 kl. 23:30]

Ég mæti með þeim Suðurnesjamönnum

Emil Ólafsson 1325 stig

[SSON - Skákfélag Selfoss og nágrennis, 19.1.2011 kl. 23:59]

gott að heyra Emil, vertu ævinlega velkominn

[Taflfélag Vestmannaeyja, 24.1.2011 kl. 08:23]

  "Einungis keppendur úr Suðurkjördæmi geta orðið skákmeistarar Suðurlands"  Hvernig ber að skilja þetta ?
  Suðurkjördæmi er með Suðurnesjum og Höfn í Hornafirði, en hið gamla Suðurlandskjördæmi er án þessara landsvæða.  Oft hefur verið miðað við hið gamla Suðurlandskjördæmi þegar lagt er upp í ýmsar keppnir, en nú ber nýrra við ef miða á við hið geysivíðfema og fjölmenna Suðurkjördæmi.
  Á Suðurnesjum má finna höfuðból eins og Keflavík, Njarðvík, Sandgerði, Garður, Hafnir, Vogar að ógleymdri Grindavík, þótt borist hafa fregnir um að eitthvað af þessum gömlu sjávarplássum hafi sameinast á liðnum árum.
  Þarna búa fleiri sálir en í bæði Árnes- og Rangárþingi samanlagt, jafnvel þó sumarhús séu meðtalin.

[SSON - Skákfélag Selfoss og nágrennis, 25.1.2011 kl. 18:36]

Nú þegar við ákváðum að endurvekja Suðurlandsmótið þá var tekin sú strategíska ákvörðun að fara eftir kjördæmaskipan, fyrst og fremst til að eiga möguleikann á því að fá fleiri keppendur, enda renndum við nokkuð blint í sjóinn þegar við héldum fyrsta mótið árið 2009 og vildum reyna að tryggja ákveðin fjölda keppenda með þessu.

Nú það hefur tekist bærilega, m.a. vegna áhuga TV á mótinu, ef keppendum fer að fjölga úr hófi er hægt að íhuga það að fara eftir landfræðilegum skilgreiningum.