Aðalfundur SSON

Aðalfundur félagsins fór fram í kvöld.

Helstu mál:

1. Ákveðið ársgjald fyrir alla félagsmenn hvar á landinu sem þeir búa, kr 5000.-, auk þess ákveðið að félagsmenn greiði kr 500.- vegna þátttöku í hverju af þremur meistaramótum félagsins

2. Ákveðið að ganga til viðræðna við bæjaryfirvöld vegna aðkomu þeirra að skákkennslu barna og unglinga, Íslandsmóti skákfélaga á Selfossi, Íslandsmótinu í Fischer Random á Selfossi og eflingar skáklífs á yfirráðasvæði SSON.

3. Ný stjórn kosin, stjórn óbreytt utan þess að Ingibjörg Edda Birgisdóttir kemur inn í stað Erlings Jenssonar.

4. Ákvörðun tekin um að leita allra leiða til að innlima önnur skákfélög á Suðurlandi í SSON.

5. Stefnt að því að SSON verði með 3 sveitir á Íslandsmóti skákfélaga.

6. Mótaáætlun samþykkt, byrjað á Meistaramóti félagsins í kappskák sem tekur 5 miðvikudagskvöld, að því loknu Atskákmeistaramótið og síðan Hraðskákmeistaramótið. Siðan taka við hefðbundinn vinamót félagsins við Skákfélag Vinjar, Laugdæli, Skákfélag Íslands og fleiri eftir því sem við á. Suðurlandsmótið verður venju samkvæmt haldið af SSON sem endurvakti það mót fyrir þremur árum, eftir á að ákveða stað og stund þess.

7. Önnur mál

    Fundargerð ritaði fráfarandi og núverandi formaður félagsins, MM