Meistaramótið hafið með látum...

10 félagsmenn settust að tafli í kvöld með það að takmarki að velta sitjandi meistara félagsins hinum viðkunnalega Grantas Grigorianas af stalli.

Tvær umferðir fóru fram þar sem skákmenn höfðu eina klukkustund til að ljúka hvorri skák.

Það bar helst til tíðinda að nýjasti fengur okkar, hún Ingibjörg Edda gerði sér lítið fyrir og vann stigahæsta mann mótsins í fyrstu umferð, einnig vakti athygli sigur Magnúsar Garðarssonar á Erlingi Jenssyni, þau tvö mættust síðan í annarri umferð þar sem Inga hafði góðan sigur.

Sitjandi meistari vann Þorvald í fyrstu umferð nokkuð örugglega og vann síðan Ingimund í þeirri annarri eftir að hafa boðið Ingimundi jafntefli í tvöföldu hróksendatafli sem Ingimundur hafnaði verandi með 3 peð á móti tveimur meistarans auk hrókanna áðurnefndu.

Ingvar Örn leiðir mótið ásamt tveim fyrrnefndu eftir nokkuð örugga sigra á móti formanni félagsins og Erlingi Atla.

Name	Rtg	1	2	3	4	5	6	7	8	9	10	Pts
Birgisdóttir Ingibjörg Edda	1440	*				1			1			2
Birgisson Ingvar Örn	1789		*					1		1		2
Grigoranas Grantas	1721			*					1		1	2
Sigurmundsson Úlfhéðinn	1778				*			½			1	1½
Garðarsson Magnús	1468	0				*	1					1
Jensson Erlingur	1702					0	*			1		1
Matthíasson Magnús	1627		0		½			*				½
Sigurmundsson Ingimundur	1803	0		0					*			0
Pálmarsson Erlingur Atli	1424		0				0			*		0
Siggason Þorvaldur	0			0	0						*	0

Athugasemdir

[Skák.is, 1.9.2011 kl. 14:54]

Slök byrjun MM vekur athygli.

[SSON - Skákfélag Selfoss og nágrennis, 3.9.2011 kl. 18:23]

Stjórn SSON mótmælir því harðlega að einn keppandi skuli sérstaklega vera hafður að háði og spotti af forsvarsmönnum skak.is

  fyrir hönd stjórnar, Magnús Matthíasson

[Skák.is, 4.9.2011 kl. 12:22]

Rétt ábending MM. Ég hefði átt að nefna Ingimund einnig.

[SSON - Skákfélag Selfoss og nágrennis, 4.9.2011 kl. 20:41]

hinir síðustu munu fyrstir verða.