Bobby er Selfyssingur !

Vegna sögulegra tengsla heimsmeistarans Bobby Fischer við Selfoss hefur stjórn félagsins ákveðið í samvinnu við Skáksamband Íslands að heiðra minningu hans með Íslandsmóti í Fischer Random skák.

Íslandsmótið fer fram í mars 2012, dagsetning hefur ekki endanlega verið ákveðin en líklegt er að hún verði 5. eða 6. mars 2012.

Þar sem nú er verið að sýna heimildarmyndina ´Bobby against the world´ á RIFF kvikmyndahátíðinni í Reykjavík munu félagar úr SSON halda í víking í höfuðstaðinn og etja kappi við félaga úr Skákfélagi Vinjar í svokallaðri Fischer Random skák á sunnudag kl 14:00.  Viðureignin fer fram í Bíó Paradís á Hverfisgötu áður en myndin verður frumsýnd kl 16:00.

Fyrir sveit Vinverja fer enginn annar en skákmógúllinn og flækjusérfræðingurinn Hrafn Jökulsson, hann hefur farið fram á að fá að tefla gegn formanni SSON og látið þessi orð fylgja:

"Ég er með, einkanlega ef ég fæ að tefla við minn vin Magnús Matthíasson!
Heimssagan mun líða sitt skeið án þess að við gerum jafntefli ;) "