Grantas...

....efstur á atskákmóti með 3,5 vinninga af 5 mögulegum.

Kominn vorbragur á skákiðkun og menn farnir að sinna öðrum verkum en taflmennsku, það voru þó sex félagsmenn sem mættu í kvöld á atskákmót.

Tefldar voru 15 mínútna skákir.  Hart barist venju samkvæmt og allir töpuðu að minnsta kosti einni skák.  Grantas stóð sig best og hafði sigur.

Arnar Erlingsson stóð sig vel og var að tefla mjög vel og greinilegt að meiri tími hentar honum vel, hann gerði jafntefli við Magnús og ljóst að við eigum eftir að sjá meira til hans á næstunni.

Lokastaðan:

1.  Grantas 3,5
2.-3. Ingvar Örn og Úlfhéðinn 3 v
4.-5. Páll Leó og Magnús M 2,5 v
6. Arnar Erl. 0,5 v

Suðurlandsmótið:

Ákveðið hefur verið að breyta fyrirkomulagi mótsins á þann hátt að einungis verður teflt laugardaginn 21.apríl og verða tefldar 7 umferðir atskák.  Þetta er gert í góðri trú og í sátt og samlyndi við félaga okkar í Eyjum sem alltaf hafa sent vænan hóp sterkra skákmanna til leiks.  Nánari upplýsingar síðar en menn geta farið að taka daginn frá.