Aðalfundur 2012 og Meistaramót SSON....uppfært!

 Meistaramótið hefst í kvöld, þegar hafa 7 skráð sig til leiks en enn nokkrir fastakúnnar eftir að skrá sig...!

Boðað er til aðalfundar SSON miðvikudaginn 22. ágúst, fundurinn fer fram í Selinu á Selfossi og hefst kl. 19:30.

Aðalfundur.

1. Skýrsla stjórnar (formaður og gjaldkeri)
2. Kosning stjórnar
3. Mótahald 2012-2013
4. Önnur mál

Að loknum aðalfundi hefst Meistaramót SSON fyrir árið 2012, komið hefur fram sú tillaga að tefla 1 klst skákir, sem verða ekki reiknaðar til stiga, endanleg ákvörðun verður tekin af stjórn. Gengið er út frá því að tefldar verði 2 skákir hvert miðvikudagskvöld.

Þeir sem hyggjast taka þátt í mótinu eru beðnir um að skrá sig með athugasemd við þessa færslu eða með því að hafa samband við formann áður en aðalfundur fer fram.

fyrir hönd stjórnar, Magnús Matthíasson

 

Athugasemdir

[SSON - Skákfélag Selfoss og nágrennis, 19.8.2012 kl. 03:15]

Grantas, Arnar Erlings, Ingvar Örn og Magnús M tilkynnt þátttöku.  Þá vantar enn hið minnsta 6 keppendur til þess að mótið geti farið fram í samræmi við lög félagsins.

[SSON - Skákfélag Selfoss og nágrennis, 19.8.2012 kl. 03:31]

Inga Birgis sitjandi meistari ætlar sér að verja tiltilinn og Erlingur Atli hefur einnig skráð sig til leiks...