Íslandsmót skákfélaga !

Tíu félagar mættu í kvöld í Selið til að tefla, spekúlera og ræða lífsins gagn og helstu nauðsynjar.  Tekið var hraðskákmót sem Páll Leó vann, Björgvin varð annar og Grantas þriðji.

Fyrri hluti Íslandsmótsins fer fram í Rimaskóla um helgina, SSON sendir tvær sveitir til leiks, a-sveit félagsins teflir í 3.deild en b-sveitin í þeirri 4.

Liðsstjóri hefur undanfarna daga verið í sambandi við félagsmenn varðandi liðsskipan.  Undirtektir hafa verið góðar sem þýðir að liðsstjóri þarf að vanda valið í lið sérstaklega vel.  Liðsstjóri reynir alltaf að velja sterkustu skákmenn félagsins í sveitir þess og er á stundum vandi á höndum.

Sveitaskipan verður birt hér á heimasíðunni annað kvöld eða á föstudag.