Suðurlandsmótið 2013 !

Venju samkvæmt fer Suðurlandsmótið í skák fram nú á vordögum, tvær dagsetningar koma til greina, 25.maí eða 1.júní. Endanleg ákvörðun um dagsetningu verður tekin mjög fljótlega. 

Mótsstaður verður Selfoss eða nærsveitir, venju og góðum siðum samkvæmt.

Þetta verður í 5.sinn sem SSON hefur forgöngu um að halda mótið frá því að það var vakið úr löngum dvala.

Mótið að vanda öllum opið, en einungis þeir sem lögheimili eiga í Suðurkjördæmi geta orðið Suðurlandsmeistarar.

Mótið verður með sama sniði og síðasta ár þ.e. 7 atskákir, tefldar á einum degi.

Núverandi Skákmeistari Suðurlands er Ingvar Örn Birgisson, en hann vann mótið í fyrra eftir bráðabana við Nökkva Sverrisson og Pál Leó Jónsson.

SSON átti flesta keppendur í fyrra eða 10, Taflfélag Vestmannaeyja mætti með 3 öfluga keppendur og síðan kom fjöldi keppenda víðsvegar að af landinu, en keppendur voru 25, eilítið færri en árin áður.

Mjög góð verðlaun sem og veitingar verða í boði, venju samkvæmt!

Líklega verður Hraðskákmeistaramót Suðurlands teflt sama dag eða sömu helgi.

Hægt er að skrá sig til leiks með athugasemd við þessa færslu eða með því að hafa samband við formann SSON:[e-mail]

             MM MMXIII

Athugasemdir

[Skák.is, 1.5.2013 kl. 09:40]

Maggi - þú setur mótið vart oní sjálft Íslandsmótið í skák!

[SSON - Skákfélag Selfoss og nágrennis, 2.5.2013 kl. 18:23]

á nú ekki von á að nokkura klukkutíma skákmót í sveitinni hafi áhrif á 10 daga Íslandsmót í höfuðborginni.  En að sjálfsögðu munum við hliðra til ef í þátttökubrest á Íslandsmótinu stefnir :)