Sumarfrí...eða svo gott sem

Þá liggur fyrir að félagsmenn eru að mestu komnir í sumarfrí frá skákiðkun enda skákíþróttin vetrarsport líkt og norræn alpatvíkeppni og sleðareið.

Eigi að síður eru tveir stórir viðburðir framundan, ber þar fyrst að nefna Landsmót Ungmennafélaga fyrir 50 ára og eldri en það mót fer fram í Vík í Mýrdal helgina 7.-9.júní, sjá hér:http://umfi.is/umfi09/50plus/ Nú síðan má alls ekki gleyma Landsmóti Ungmennafélaga sem fram fer á Selfossi helgina 4.-7.júlí, þar er búist við allt að 16 þúsund gestum og er þetta mikil íþróttahátíð eins og þeir vita sem svo lánsamir hafa verið að taka þátt. Skákkeppnin á mótinu er sveitakeppni þar sem 4 eru sveit. Á þessu Landsmóti verður héraðssamböndum í fyrsta sinn leyft að senda tvær sveitir til leiks. Nánari upplýsingar um skákkeppnina hér:http://umfi.is/umfi09/landsmot_2013/keppni/skak/