Helgi á kostum..

Helgi Ólafsson skólastjóri Skákskóla Íslands kom i Fischersetur í dag og hélt stórskemmtilegt og afskaplega fróðlegt erindi um kynni sín af Bobby Fischer.

Þeir 70 einstaklingar sem leið sína lögðu í Fischersetrið urðu svo sannarlega ekki fyrir vonbrigðum og fengu góða innsýn í líf heimsmeistarans, skákstíl hans og síðustu æviár hans hér á Íslandi.

Að loknu erindi Helga fór fram fyrsta skákmótið sem haldið hefur verið í Fischersetrinu, tefldar voru 5 mín skákir.  Keppendur voru 16 og þar sem um sögulegan viðburð var líklega að ræða var ákveðið að allir tefldu við alla, 15 umferðir.

Tæpur helmingu keppenda voru nemendur Helga úr Skákskólanum, kærkomið að fá alla þessa efnilegu krakka á Selfoss.

 Það fór svo að Helgi vann mótið með fullu húsi vinninga, jafnir í 2.-3. sæti urðu síðan Gunnar Freyr Rúnarssons og Vignir Vatnar Stefánsson með 12,5 vinninga.     MM