Einstaklingur gaf SSON veglegan styrk

Dagmar Una Ólafsdóttir gaf SSON 300.000 kr. styrk til uppbyggingar og kennslu í skák í grunnskólum á Árborgarsvæðinu. Einnig gaf Dagmar Una 400.000 kr. styrk til stafsemi fyrir fatlaða. 

Skákfélag Selfoss og nágrennis tekur við þessum styrk með þakklæti og sér fram á það að geta sinnt barna og unglingastarfi af meiri krafti en hefur verið.  Nú þegar er byrjað að ræða við skólastjórnendur á svæðinu. 

í viðtali við vikublaðið Dagskránna sagði Dagmar Una m.a. þetta: „Ég hef unnið með fötluðum í gegnum tíðina og eru málefni fatlaðra mér mjög hugleikin. Varðandi skákina vildi ég styðja við bakið á þeim vaxtarsprotum sem nú eru hér í skákinni og styrkja skákfélagið til skákkennslu grunnskólabarna. Skákíþróttin er öllum holl og góð forvörn. Það er engin sérstök fjáröflun er að baki þessum styrkjum, ég vil bara láta gott af mér leiða, við eigum öll að hjálpast að ef við getum,“( dfs.is) Á myndinni er Dagmar Una (fyrir miðju) að afhenda Björgvini Smára Guðmundssyni, formanni SSON styrkinn. Á myndinni er einnig Brynhildur Jónsdóttir, forstöðukona. 

.