Vinaheimskókn frá Reykjanesbæ

SSON félagar fengu mjög svo skemmtilega heimsókn frá Reykjanesbæ sl. miðvikudagskv. Það voru tefldar atskákir á sex borðum og jafnan barist hart í hverri einustu skák. Heimamenn byrjuðu af krafti og unnu 5:1 í fyrstu umferð. Seigla Suðurnesjamanna kom fram er á leið og fyrir lokaumferðina voru þeir búnir að jafna metin. Barist var af mikilli hörku í síðustu umferð (sjá mynd)  og höfðu Suðurnesjamenn landað þremur vinningum á móti tveimur SSON manna þegar ein skák var eftir á milli Erlings Atla og Einars S. Guðmundssonar.  Fátt var um taflmenn orðið á borðinu og var Einar með tapað á tíma og tapaða stöðu. Á óskiljanlegan hátt tókst honum að ná stöðunni í jafntefli (átti bara kóng eftir) og jafna tímann þannig að báðir féllu á klukkunni. Skákin endaði því með jafntefli og hrósuðu Suðurnesjamenn því sigri með minnsta mun. 
Þeir sem tefldu fyrir Reykjanesbæ voru: Agnar Ólsen, Tómas Marteinsson, Sigurður H. Jónsson, Pálmar Breiðfjörð, Einar S. Guðmundsson og Loftur. Fyrir heimamenn tefldu: Björgvin Smári, Sverrir Unnarsson, Úlfhéðinn Sigurmundsson, Magnús Matthíasson, Kristján Rangæingur Mikkelsen og Erlingur Atli. 
Flesta vinninga SSON manna fékk Björgvin Smári eða 6/6 og Magnús Matt. 4,5/6. Fyrir Suðurnesjamenn fengu Agnar Ólsen 5/6 og Tómas 4/6. 

 

Við á Selfossi þökkum fyrir stórskemmtilegt kvöld og munum endurgjalda heimsóknina og freista þess að  snúa taflinu okkur í hag. 

-/bsg