Andmæli SSON vegna áfrýjunnar Hróks alls fagnaðar fyrir dómstóli SÍ

Dómstóll SÍ Selfoss, 14. október 2016 Efni: Andmæli við áfrýjun í máli nr. 1/2016. Aðalatriði sem fella málið Í 1. mgr. 19. gr. skáklaganna kemur fram að aðeins þeir sem eru í Keppendaskrá SÍ teljist löglegir með viðkomandi félagi í Íslandsmóti skákfélaga (fyrri og seinni hluta). Þó eru þeir skákmenn sem eru án skákstiga og án félags undanþegnir því að þurfa að vera í Keppendaskránni. Guðmundur Óli Ingimundarson uppfyllir bæði þessi atriði. a) Árið 2010 var Guðmundur Óli skráður sem félagi í UMFL en ekki skráður sem félagsmaður 2011 og síðar. Hann var því án félags þegar hann tefldi fyrir SSON í mars 2016. Sjá nánar tölvupóst frá formanni HSK (sjá fylgiskjal1) og formanni UMFL (sjá fylgiskjal 2) b) Í mars 2016 teflir Guðmundur Óli á 6. borði fyrir SSON og er þá stigalaus. Þetta var hans fimmta keppnisskák sem síðan var lögð til grundvallar til stigaútreiknings. Eftir þá skák fékk hann sín fyrstu íslensku skákstig. Sjá tölvupóst (fylgiskjal 3) frá Páli Sigurðssyni varðandi uppruna stiga Guðmundar og uppl. af Chess-results(sjá fylgiskjal 4) þar sem Guðmundur er ekki skráður með stig. Guðmundur Óli var því án félags og stigalaus þegar hann tefldi í mars 2016 fyrir SSON og því löglegur samkv. undanþáguákvæðis 19. gr. Það er því ekki hægt að kæra hann fyrir að vera með stig næst þegar hann keppti fyrir SSON á Íslandsmóti skákfélag sl. sept/okt. 2016. Teljum við að þessar upplýsingar séu fullnógar til þess að ljúka málinu Skákfélagi Selfoss og nágrennis í vil. Úrslit viðureignar Hróks alls fagnaðar og SSON réðst því ekki af sigurskák Guðmundar Óla heldur í síðustu skákinni á 1.borði, þegar staðan var 2,5-2,5, milli Helga Brynjarssonar og Björgvins Smára Guðmundssonar. Af öðru leiti erum við sammála niðurstöðu dómsstóls mótssjórnar. Rétt er þó að nefna til nokkur atriði í málinu til upplýsingar, varnar og áminningar. Kæran sjálf, formgallar og vanreifun Þegar menn leggja í þá vegferð að kæra er betra að vanda sig. Ekki er gott að láta frá sér setningu eins og „...Guðmundi Óla Ingimundarsyni, sem í keppendaskrá Skákfélags Íslands er skráður í sveit UMFL og hefur 1625 ELO stig“. Hvað kemur Skákfélag Íslands málinu við? Ekki er það heldur boðlegt, ef menn vilja láta taka sig alvarlega, að vísa ekki í lög sem menn telja að hafa verið brotin. Þetta er ekki gert formlega í kærunni. Einnig er beðið um í kærunni „...vænti ég þess að þið takið kæruna til skoðunar og kannið hvort Skákfélagi Selfoss og nágrennis hafi verið heimilt að stilla sveit sinni upp með framangreindum hætti“ Eiga dómarar í málinu að rannsaka málið og safna gögnum gegn hinum ákærða? Almennt er það svo að dómarar fara yfir framlögð gögn og leggja mat á þau og dæma eftir þeim. Hrókur alls fagnaðar sættir sig ekki við niðurstöðu dómsins og áréttar þetta við dóminn með þessum orðum: „Sóknaraðili mótmælir þessari aðferð og telur að mótsstjórn hafi borið að taka öll þau atriði til skoðunar sem skipt gátu máli við úrlausn kærunnar....Felst það í raun í orðalagi kærunnar þar sem þess var einfaldlega krafist að mótsstjórn kannaði hvort SSON hefði verið heimilt að stilla liði sínu upp með þeim hætti sem þeir gerðu í viðureign sinni við Hróka alls fagnaðar. Hér er sem sagt hamrað á því að dómstóllinn hefði átt að sækja málið fyrir hönd sóknaraðila í málinu gegn SSON. Þetta gengur auðvitað ekki upp. Í ljósi þessa er mikilvægt að hafa kærur nákvæmar en ekki opnar. Ef kæran er opin og óljós lenda dómstólar í vandræðum ef þeir taka hana til greina. Fá m.a. á sig að þetta eða hitt hafi ekki verið tekið til greina sem ekki var nefnt í kærunni. Hrókur alls fagnaðar hefði átt að vinna sína heimavinnu og setja kæruna skýrt fram. Reyndar hefði þessi kæra aldrei komið fram ef heimavinnan hefði verið unnin. Keppendalisti SÍ og uppbygging ungmennafélaga Sóknaraðila er tíðrætt um Keppendalista SÍ, bendir á að Guðmundur Óli sé þar á skrá fyrir UMFL. Þessi listi er ágætur út af fyrir sig og nauðsynlegur. Hjá virkum skákfélögum er hann uppfærður árlega o.s.f.v. Hins vegar eru þau lið og liðsmenn þeirra sem einu sinni komast á þennan lista ekki teknir út af listanum. Nöfn geta því verið inni á þessum lista í áratugi án þess að menn tefli eða séu lifandi. Sóknaraðili nefnir það til að hann hafi ekki heyrt af því að UMFL hefði verið lagt niður eða sameinað öðru félagi. Hér kemur fram vanþekking á eðli og starfsemi ungmennafélaga. Innan hvers ungmennafélags er gríðarlega fjölbreytt starfsemi. Allt frá fótbolta til glímu. Ef leggja á niður ungmennafélag er lögð niður öll íþróttastarfsemi í viðkomandi héraði. Ungmennafélög eru því ekki lögð niður. Innan hvers ungmennafélags eru, sem fyrr segir, alls kyns deildir. Á tímabili hafa menn áhuga á glímu og keppa í glímu fyrir sitt ungmennafélag. Stofnuð er þá glímudeild innan ungmennafélagsins. Síðan missa menn áhuga á glímunni og legst þá glímudeild ungmennafélagsins niður. Þannig er það með títt umræddan keppendalista SÍ varðandi UMFL. Ungmennafélagið tók síðast þátt í Íslandsmóti skákfélaga 2010-2011. Síðan hefur engin starfsemi verið innan skákdeildar UMFL enda sú deild ekki til þar sem engin er starfsemin. Engu að síður geta nöfn þeirra sem tóku þátt í Íslandsmóti skákfélaga 2010-2011 fyrir hönd UMFL staðið næstu áratugi í keppendaskrá SÍ. Að þessu leyti missir keppendalistinn marks. Styrkleikalisti skákfélaga Auðvitað voru það mistök af hálfu formanns SSON að skila ekki inn styrkleikalista fyrir mótið en það er ekki umfjöllunarefni kærunnar. Hins vegar má benda á það að ef menn vilja undirbúa sig fyrir komandi andstæðinga þá fer oft betur á því að athuga hvernig liðskipan er umrædda helgi. Þetta er auðvelt þar sem sveitirnar tefla hlið við hlið, úrslit og upplýsingar eru á Chess-results. SSON og Hrókar alls fagnaðar mættust í 4. umferð og voru í efstu sætum deildarinnar og þvi auðvelt að miða út líklega andstæðinga í komandi umferð. Þrír af þeim liðsmönnum SSON sem tefldu í 3.umferð voru mættir í 4.umferð á sunnudegi og þ.á.m. Guðmundur Óli. Ef Hrókar alls fagnaðar hefðu farið eftir styrkleikalista SSON (sem má sjá á vef SÍ) kemur í ljós að hinn reyndi skákmaður Sverrir Unnarsson (1937 alþjóðl. stig) er númer 5 í röðinni hjá SSON sem gæfi alls ekki rétta mynd af liðskipan SSON. Ekki er hér gert lítið úr mikilvægi styrkkleikalistans og mun SSON passa upp á að skila honum inn í framtíðinni. Aðeins bent á betri leið til að undirbúa sig við þessar aðstæður. Auðvitað er liðsmönnum Hróks alls fagnaðar þetta ljóst þó þeir haldi því fram að þetta hafi orðið til þess að þeir hefðu ekki getað undirbúið sig fyrir viðureignina við SSON. Guðmundur Óli sat við hlið þeirra á laugardagskvöldi þegar þeir voru að virða fyrir sér komandi andstæðinga, SSON, í næstu umferð. Íslensk og alþjóðleg skákstig Samkvæmt upplýsingum frá skrifstofu Skáksambands Íslands miðast öll mót á þeirra vegum alfarið við alþjóðleg skákstig. Með úrskurði dómstóls mótsstjónar er ekki verið að gera lítið úr íslenskum skákstigum eins og sóknaraðili heldur fram. Það að miða við alþjóðleg skákstig gefur áreiðanlegri upplýsingar um keppanda heldur en íslensk skákstig. Menn geta fengið ísl. skákstig eftir nokkrar skákir en menn þurfa að tefla mun meira til að fá alþjóðleg skákstig. Þegar menn hafa teflt þó nokkuð, nokkurn tug eða hundruð skáka jafnast vægi stiganna. Þannig er það með stig Guðmunds Óla eins fram hefur komið. Guðmundur Óli fékk sín fyrstu stig eftir að hann tefldi fyrir SSON í mars 2016. Hann tefldi síðan ekki aftur fyrr en nú í sept/okt. á Íslandsmóti skákfélaga og er þá kominn með ísl. skákstig, sín fyrstu stig, eftir 5 skákir. Ekki þykja mönnum slík stig áreiðanleg sbr. tölvupóstur ( 3)frá Páli Sigurðssyni. Skákfélag Selfoss og nágrennis og ungmennafélög Ekki náðist að halda nein mót á vegum SSON síðasta ár, þar sem félagsmenn voru bæði í senn uppteknir og kannski líka áhugalausir. Félagið sá þó um árlegt mót á vegum HSK sem er samband ungmennafélaga á Suðurlandi. Skákfélag Selfoss og nágrennis hefur verið með í þessum mótum og haldið þessi mót fyrir HSK í áraraðir. Ljóst er að endurnýjun félaga í skákfélögum á landsbyggðinni er erfið. Tilkoma Guðmunds Óla var því mikið fagnaðarefni fyrir félagsmenn SSON sl. vetur. Þannig er það oftast, menn byrja að tefla í ungmennafélögum og þaðan liggur leiðin gjarnan til fullgildra skákfélaga. Það er ánægja t.d. að segja frá því að Almar Máni Þorsteinsson úr Ungmennafélaginu Heklu frá Hellu tefldi í b-liði Skákfélags Selfoss og nágrennis 2014. Þetta var fyrsta keppnisskák Almars. Skákfélag Selfoss og nágrennis er eina skákfélagið á meginlandi Suðurlands. Nafnið á félaginu er ekki tilviljun ein. Hugsað var til þess að áhugamenn um skák í nágrenni Selfoss hefðu aðgang að félagi sem væri aðili að Skáksambandi Íslands, félagi sem væri með reglubundna starfsemi sem erfitt er að halda úti í minni bæjum og sveitarfélögum. Börn frá Hellu hafa t.d. teflt í nafni félagsins. Félagið hefur m.a. komið að skáknámskeiðum í Fischersetri sem hefur verið opið öllum börnum á Suðurlandi. Börn frá Hellu og úr Flóahreppi hafa m.a. nýtt sér þessa starfsemi. Síðustu sjö ár hafa félagsmenn SSON einnig séð um skólaskákina með því að halda bæði sýslumót og kjördæmamót. Landsmótið í Skólaskák var haldið á Selfossi 2014 þar sem Fischersetur og félagsmenn í SSON stóðu vaktina. Samvinna við ungmennafélög HSK hefur verið ánægjuleg og gefandi. Að lokum viljum við nefna mikilvægi Íslandsmóts skákfélaga. Það er ljóst að þetta mót er drifkrafturinn í starfsemi flestra félaga á landsbyggðinni. Menn mæta til leiks að hausti og reyna að koma sér í form fyrir Íslandsmót skákfélaga. Þannig er það allavega á Selfossi. F.h. Skákfélags Selfoss og nágrennis Björgvin Smári Guðmundsson, stjórnarmaður í Skákfélagi Selfoss og nágrennis. Fylgiskjöl 1-4. (1) Engilbert Olgeirsson 10:29 (fyrir 4 klukkustundum) til mín Sæll og blessaður Umf. Laugdæla er eitt aðildarfélaga HSK og ég hef aðgang að upplýsingum um félagsmenn og iðkendur félaga til ársins 2004. Ég hef skoðað felixskýrslur Umf. Laugdælda frá árinu 2010. Árið 2010 er Guðmundur Óli Ingimundarson skráður í félagið og merkt við hann sem iðkenda í skák það ár. Í felixskýrslu og félagatali frá árinu 2011 er hann ekki lengur á skrá sem félagsmaður og iðkandi. Skoðaði allar starfsskýrslur Umf. Laugdæla í Felixkerfinu fram til 2016 og hann er hvergi á skrá hjá félaginu þau ár. Ljóst er að hann hefur hætt í félaginu eigi síðar en árið 2011. Ég get ekki séð hvenær hann hætti, en það er í fyrsta lagi seinni hluta árs 2010 og síðasta lagi í lok árs 2011. Þessar upplýsingar liggja fyrir í Felixkerfinu, sem er skráningarkerfi ÍSÍ og UMFÍ. Ef þarf þá er hægt að senda útprentun á þessum upplýsingum, ofanskráðu til frekari staðfestu. Kærar kveðjur, Engilbert Olgeirsson Framkv.stj. HSK (2) Pétur Ingi Haraldsson 08:13 (fyrir 6 klukkustundum) til mín Sæll Björgvin , Ég sem formaður UMFL get staðfest að það hefur ekki verið nein starfsemi í skákdeild UMFL undanfarin ár. Ég man hreinlega ekki hvenær hún var starfrækt síðast. Ég er búinn að vera viðloðandi stjórn UMFL í 4-5 ár og man ekki til þess að hún hafi verið í gangi á þeim tíma. Því miður held ég að ég komist ekki í Felix fyrr en seinna í dag. Með kveðju, Pétur _____________________________ Pétur Ingi Haraldsson Skipulagsfulltrúi (3) Páll Sigurðsson 11. okt. (fyrir 3 dögum) til mín Blessaður hann var með 1550 skákstig í forstig 1.3 2010 og tefldi þar á suðurlandsmóti á móti 3 og hækkar í rúm 1600 stig. svo teflir hann amk. 1 skák í fyrra fyrir SSON. og fær sín fyrstu stig þar. 1401563029 Guðmundur Óli, Ingimundarson 1625 1625 0 ISL SEN 2306417 0 5 UMFL var stigalaus fyrir þá skák. stig eftir 5 skákir teljast birt en ekki mjög áreiðanleg. það er samt rétt að ekki var hugað að félagaskiptum með réttum hætti. http://ratings.fide.com/hist.phtml?event=2306417 Ingimundarson, Gudmundur O FIDE History of Individual Calculations ratings.fide.com FIDE - World Chess Federation, Online ratings, individual calculations (4) Board Pairings Round 6 on 2016/03/05 at 11:00 Bo. 8 Haukar Chess Club Rtg - 7 Selfoss Chess Club Rtg 5 : 1 1.1 Þorgeirsson, Sverrir 2279 - Unnarsson, Sverrir 1948 1 - 0 1.2 FM Karlsson, Ágúst Sindri 2294 - Sigurdarson, Emil 1968 0 - 1 1.3 Ásgeirsson, Heimir 2165 - Sigurmundsson, Ulfhedinn 1974 1 - 0 1.4 Bjornsson, Bjorn Freyr 2157 - Gudbjornsson, Arni 1720 1 - 0 1.5 Björnsson, Sverrir Örn 2112 - Palmarsson, Erlingur Atli 1506 1 - 0 1.6 Sævaldsson, Kristinn Jón 1918 - Ingimundarson, Gudmundur O 0 1 - 0