Hver er sitjandi Suðurlandsmeistari í skák?

Samkvæmt nýjustu upplýsingum mun hafa verið teflt um titilinn Suðurlandsmeistari á níunda áratugnum, líklega síðast árið 1985, samkvæmt þeim upplýsingum er því Páll Leó Jónsson sá sem titilinn ber núna, a.m.k. þangað til aðrar upplýsingar berast.  Hann mun hafa unnið titilinn í 3 skipti í röð á þessum árum.

Athugasemdir

[Taflfélag Vestmannaeyja, 5.1.2009 kl. 11:25]

Nú nýverið bárust haldgóðar upplýsingar frá jarðskjálftafræðingum sem voru að skoða hrun úr Ingólfsfjalli nú í haust að þar hefðu fundist ristur í grjóti þar sem er að finna frásögn af öðru Suðurlandsmeistaramótinu í skák, sem haldið var undir Ingólfsfjalli.  Því miður voru bara þrír efstu menn nefndir til sögunnar : 1 sæti Vífill, 2 sæti Ingólfur Arnarson og í 3 sæti Karl.  Ingólfur mun hafa tekið þá ákvörðun starx eftir lúalegt tap sitt gegn Vífil að senda hann úr héraðinu yfir Hellisheiðina, svo hann hefði meiri möguleika næsta ár.  Um það mót finnast þó engar heimildir nú.  Um fyrsta mótið eru greinagóðar heimildir frá klettaristum á Heimakletti.  Bitust þar um efstu sætin þrælar Hjörleifs, sem sátu þar að sumbli eftir vígið á honum.  Þegar mótið stóð sem hæst var það truflað af Ingólfi og hans mönnum, en í efsta sæti og jafnir urðu þeir þrælarnir Dufþakur og Helgi.