Suðurlandsmótið í skák 2010

Nú er hafinn undirbúningur að Suðurlandsmótinu í skák.  Miðað er við að mótið fari fram helgina 5.-7.febrúar á næsta ári.  Mótshaldarar ganga út frá því að mótið fari fram á Laugarvatni enda þar öflugt skáklíf og aðstæður til skákiðkunar einstakar og er það einnig í samræmi við vilja lesenda þessarar síðu sem kusu Laugarvatn sem fyrsta kost í könnun síðuhaldara.

Mótið verður með svipuðu sniði og Suðurlandsmótið 2009 þ.e tefldar 7 skákir, atskákir og kappskákir.  Mótshaldarar standa núna í viðræðum við Laugvetninga og munu upplýsingar um gistingu, keppnisstað, verðlaun og þess háttar birtast hér þegar nær dregur.

Mótshaldarar stefna að því að mótið verði fjölmennara en síðasta mót en þá voru þátttakendur 27.  Er það því von þeirra að væntanlegir keppendur taki framtakinu fagnandi og skrái sig til leiks, annað hvort með athugasemd hér á síðunni eða með því að hafa samband við mótsstjórann Magnús Matthíasson í síma 691 2254.

Nú þegar er ljóst að Selfyssingar og nærsveitungar munu fjölmenna til leiks sem og Laugvetningar- Vestmannaeyingar, Suðurnesjamenn og aðrir verða væntanlega ekki eftirbátar þeirra.

 

Athugasemdir

[Sigurður H Jónsson (IP-tala skráð) 20.11.2009 kl. 12:32]

Ég ætla hér með að skrá mig fyrstur manna .Kveðja Sigurður H Jónsson SR

[SSON - Skákfélag Selfoss og nágrennis, 20.11.2009 kl. 12:39]

Glæsileg Sigurður, treysti því síðan að fleiri komi af Suðurnesjum

[SSON - Skákfélag Selfoss og nágrennis, 20.11.2009 kl. 13:51]

"t"

[Hilmar Jón Bragason (IP-tala skráð) 9.12.2009 kl. 10:52]

Heilir og sælir.

Sá er þessa aths. sendir ætlar endilega að vera með á Suðurlandsmótinu í febr.

Kveðja

Hilmar Jón Bragason,  kt.:050848-2729