SSON - Skákfélag Selfoss og nágrennis

Sverrir Unnarsson varð jólagleðimeistari SSON. Mótið var haldið 27. des. og var teflt eftir FFF-kerfi fyrrverandi formanns.
Sex skákmenn mættu til leiks, Magnús, Ingimundur, Sverrir, Úlfhéðinn, Björgvin Smári og Erlingur Jensson. Allt stefndi í öruggan sigur Björgvins en er upp var staðið hafði Sverrir skotist framúr á síðustu stundu og tryggði sér sigurinn.
Eftir því sem leið á kvöldið styttist tíminn enn meir og varð Björgvin mínútumeistari félagsins. Úrslitin voru þó eitthvað á reiki og eftir endurtalningu vinninga leiðréttust smávægilegar villur, t.d. var Magnús skrásetjari mótsins með 1,5 v en ekki 4,5 og Björgvin 5,5 en ekki 5. Þessi ónákvæmni í sráningu segir þó ekkert um gæði taflmennskunnar sem var sérstaklega góð af allra mati.

Mótið var eins og alltaf einstaklega skemmtilegt og á fyrrverandi formaður, Magnús, þakkir skildar fyrir mótshaldið. Allir komust upp og niður tröppurnar að Setrinu og "enginn þeirra dó" eins og segir í kvæðinnu. Til að varna alls misskilings þá skal það áréttað að manndrápshálka var á tröppum Setursins og ekki fyrir neina meðalmenn að fara þar um.

Spil og leikir | Breytt s.d. kl. 21:56 | Slóð | Facebook | Athugasemdir (0)

26.12.2014 | 15:45

Jólamót fyrrverandi formanns

Kæru félagar, óska ykkur gleðilegra jóla og þakka ykkur sömuleiðis fyrir gott skákár 2014.
Einn skákviðburður er þó eftir á árinu en það er "jólamót fyrrverandi formanns", hefð hefur verið því móti og hafa alla jafna verið veitt verðlaun fyrir öll sæti auk þess sem menn ákveða sjálfir þann tíma sem þær ætla að nota í hverri skák "forgjafarkerfi fyrrverandi formanns", kallað FFF-kerfið. Stefnt er á laugardagskvöldið 27.des kl 19:30, mikilvægt er að menn láti vita hér hvort þeir ætli sér að mæta.

Spil og leikir | Slóð | Facebook | Athugasemdir (0)

25.12.2014 | 14:54

Héraðsmót HSK í skák

Árleg sveitakeppni HSK í skák fór fram í Selinu á Selfossi miðvikudagskvöldið 17.des. Löng hefð er fyrir þessari keppni og leggja aðildarfélög alla jafna nokkuð á sig til að taka þátt. Í ár voru það 6 sveitir sem tefldu fram keppendum. Það voru þessar sveitir:

Selfoss
Gnúpverjar
Hekla A
Hekla B
Dímon
Baldur

Eins og alkunna er býr á Selfossi ýmissa sveita rumpulýður þótt góðborgarar og heiðursmenn séu nú enn í meirihluta. Margur þessa kennir heimkynni gamalla og gengur til liðs við skáksveit heimahaga þegar leikar hefjast, sem er gott og fallegt.
Teflt er í fjögurra manna sveitum og hefur hver leikmaður 15 mínútur til að knésetja andstæðing. Í ár var keppni óvenju jöfn.

Til gamans skal hér rifjað upp hverjir hafa sigrað síðustu ár.

2009 Þór Þorlákshöfn
2010 Selfoss
2011 Baldur
2012 Selfoss
2013 Ásahreppur

Venju samkvæmt var barist á öllum borðum og grið sjaldan gefin.
Þrjár sveitir voru áþekkar að styrkleika að virtist, Selfyssingar, Baldursmenn og Heklungar, enda fór það svo að þessar sveitir voru í einum hnappi fyrir síðustu umferð.

Baldur með 12,5 vinninga
Selfoss með 11,5 vinninga
Hekla með 11 vinninga.

Staða Selfoss líklega sýnu best enda mættust Hekla og Baldur í síðustu umferð, sú viðureign endaði með öruggum 3-1 sigri Heklu. Á sama tíma vann Selfoss B-sveit Heklu,sem skipuð er gríðarlega efnilegum börnum frá Hellu, með fullu húsi.
Þetta gerði það að verkum að Selfoss vann keppnina, nokkuð verðskuldað, enda unnu þeir allar sínar viðureignir. Bestan árangur á borðum voru þeir Björgvin Smári (Hekla) á 1. borði og Magnús Garðarsson (Selfoss) á 4.borði með en þeir unnu allar sínar skákir.

Lokastaðan:
Selfoss 15,5 vinningar
Hekla A 14 vinningar
Baldur 13,5 vinningar
Dímon 8 vinningar
Gnúpverjar 6 vinningar
Hekla B 3 vinningar

Sigursveit Selfoss skipuðu:
1. Magnús Matthíasson
2. Erlingur Jensson
3. Þorvaldur Siggason
4. Magnús Garðarsson

-/ MM

Spil og leikir | Breytt s.d. kl. 15:13 | Slóð | Facebook | Athugasemdir (0)

16.12.2014 | 21:54

Héraðsmót HSK í sveitakeppni í skák

Héraðsmót HSK í sveitakeppni í skák verður haldið í Selinu á Selfossi miðvikudaginn 17. desember og hefst kl. 19:30. Tefldar verði atskákir og skipa fjórir einstaklingar hverja sveit, óháð aldri eða kyni.

Skráningar berist á hsk@hsk.is fyrir 15. desember nk.
þegar skráðar sveitir:
1.Dímon
2. Umfl. Hekla a og b sveit.
3. Ungmennafélag
Gnúpverja
4. Selfoss 1
5. Ofursveit Skeggja

Spil og leikir | Breytt s.d. kl. 23:21 | Slóð | Facebook | Athugasemdir (0)

11.12.2014 | 20:23

Sverrir Unnarsson skákmeistari SSON

Sverrir Unnarsson kom sá og sigraði á Meistaramóti SSON sem lauk sl. miðvikudag. Mótið var jafnt og spennandi og þurftu Sverrir og Ingimundur að tefla einvígi um titilinn þar sem tefldar voru tvær atskákir. Sverrir vann fyrri skákina og tryggði sér titilinn með að gera jafntefli í síðari skakinn þar sem Ingimundur lagði alllt undir og fórnaði m.a. manni.
Sverrir tefldi einna jafnast í mótinu og er vel að sigrinum kominn.

Noah Siegel, fyrrum vonarstjarna Bandaríkjamanna, tefldi sem gestur á mótinu og fékk hann flesta vinninga. Siegel er sterkur skákmaður og var kominn með 2350 stig við 16 ára aldur. Noah er rúmlega þrítugur og hefur ekki teflt mikið opinberlega síðustu árin. Noah er frá New York og teflir í Manhattan skákklúbbinum sem sjálfur Bobby Fischer ólst upp í, gaman af því.

Það má segja að Magnús Matthíasson, fyrrum sveitungi Sverris úr Eyjum, hafi verið ákveðinn örlagavaldur í mótinu þar sem hann tók bæði punkt af Björgvini Smára og Ingimundi og reyndar sá eini sem náði punkti á Noah efsta mann mótsins. Magnús er greinilega enn vaxandi sem skákmaður.
Erlingur Atli átti góða spretti í mótinu og er allur að styrkjast.

Tímamörk í mótinu voru 60 mín. á skák og voru tefldar tvær skákir á kvöldi.

Úrslit mótsins:

1. Noah Siegel 6,5 v.
2. Sverrir Unnarsson 4,5. v.
3. Ingimundur Sigurmundsson 4,5
4. Björgvin Smári 4 v.
5. Magnús Matthíasson 3,5 v.
6. Úlfhéðinn Sigurmundsson 2,5 v.
7. Erlingur Atli Pálmas. 1,5 v.
8. Þorvaldur Siggason 1 v.

Spil og leikir | Breytt 13.12.2014 kl. 10:17 | Slóð | Facebook | Athugasemdir (0)

3.12.2014 | 22:19

Skákir Meistaramóts SSON

Þrátt fyrir kröpp tímamörk voru nokkuð margar skákir Meistaramóts SSON skráðar. Nokkuð var um að menn lentu í tímahraki og þar af leiðandi vantar lokin í allmargar.

Veljið skák (23 alls):

Spil og leikir | Breytt s.d. kl. 22:21 | Slóð | Facebook | Athugasemdir (0)

« Fyrri síða | Næsta síða »

Höfundur

SSON - Skákfélag Selfoss og nágrennis

Stjórn SSON 2013-2014
Formaður: Björgvin Smári Guðmundsson
Ritari: Úlfhéðinn Sigurmundsson
Gjaldkeri: Ingimundur Sigurmundsson
Meðstjórnendur:Erlingur Jensson og Magnús Matthíasson