Þorraatið..

Næstkomandi miðvikudagskvöld hefst Þorraatskákmót félagsins.  Tefldar verða 20 eða 25 mínútna skákir, að jafnaði 3 eða 4 skákir hvert miðvikudagskvöld. Nú hafa þegar 8 keppendur skráð sig til leiks, reikna má með að þeim eigi eftir að fjölga fram að móti.

Skráðir til leiks:

1.Páll Leó
2.Erlingur Jens
3.Magnús Matt
4.Úlfhéðinn
5.Ingimundur
6.Ingvar Örn
7.Inga Birgis
8.Erlingur Atli

 

Magnús Matt..

 öruggur sigurvegari á Þorrahraðskákmóti félagsins sem fram fór í kvöld í stað Þorraatskákmótsins sem fresta þurfti vegna samgönguerfiðleika í Flóa og nærsveitum.

Átta keppendur, 14 umferðir af helmössuðum 5 mínútna baráttuskákum, allir vildu vinna en formaðurinn átti góðan dag og stóð í vegi allra hinna.

 

 

 

Lokastaðan:

1.  Magnús Matt    11,5
2.-3. Páll Leó         9
2.-3. Úlfhéðinn       9
4. Ingimundur        8,5
5. Erlingur Jens      7
6. Ingvar Örn         6,5
7. Inga Birgis          4,5
8. Erlingur Atli          0

Þorraatskákmót SSON !

Miðvikudaginn 18.jan hefst hið árlega Þorraatskákmót félagsins.  Tefldar verða 25 mín skákir allir við alla.

Reiknað er með að mótið taki 3 miðvikudagskvöld og að tefldar verði 3-4 skákir hvert kvöld, allt eftir fjölda keppenda.

Veitt verða góð verðlaun fyrir 3 efstu sætin.

ATH !   Síðuritara hefur verið bent á að íslenska landsliðið er að keppa á sama tíma og Þorraatskákmótið er, ekki hefur tekist að fá landsleik frestað og hefur því verið ákveðið að hefja skákir strax að leik loknum uppúr kl 20:30 og má ganga út frá því að tefldar verði 2 skákir þetta kvöldið.

Ingvar Örn..

 

öruggur sigurvegari á Janúarhraðskákmóti SSON sem fram fór miðvikudagskvöldið 11.jan.  Hann sýndi fádæma öryggi í mótinu sem var 12 umferðir og hafði þegar tryggt sér sigurinn þegar hann mætti Úlfhéðni í síðustu umferðunum tveimur, hann tapaði þeim reyndar báðum en það kom ekki að sök, öruggur sigur í höfn.

Lokastaðan:

1. Ingvar Örn    9v
2. Úlfhéðinn      8
3.-4. Inga         7
3.-4. Grantas   7
5. Magnús M    6,5
6. Erlingur Atli   3,5
7. Arnar           0

Hraðskákmót

Miðvikudagskvöldið 11.jan kl 19:30 fer fram hraðskákmót í Selinu, tefldar verða 5 mínútna skákir.

Vert er síðan að minna á að Suðurlandsmótið fer fram aðra helgina í febrúar.

Páll Leó..

 

vinnur hraðskákmót af öryggi.  Níu keppendur mættu til leiks í kvöld og tefldu tvöfalda umferð af 5 mínútna skákum alls 16 skákir hver.

Páll Leó var með fullt hús vinninga að loknum fyrri hlutanum en slakaði eilítið á í þeim seinni, tapaði fyrir Ingvari Erni sem varð annar á mótinu og gerði jafntefli við formanninn og Ingimund.

 

Lokastaðan:
1. Páll Leó           14
2. Ingvar Örn      11
3. Ingimundur     9,5
4. Magnús           9
5. Erlingur J         9
6. Inga               8,5
7. Grantas          6,5
8. Magnús Garð  6
9. Arnar              0

Ofurhraðskákmót !

Hið árlega Ofurhraðskákmót SSON fer fram miðvikudagskvöldið 4.janúar, tefldar verða 5 mínútna skákir í Selinu að vanda.

Áður en mót hefst mun formaður fara yfir dagskrá félagsins fram að vori.

Hvetjum félagsmenn til að mæta.

Hraðskákmeistari félagsins verður á staðnum og mun veita keppendum holl ráð á milli skáka.

Flugeldamót SSON !

 

Miðvikudaginn 28.des fer fram árlegt flugeldamót félagsins.  Teflt verður í Selinu og hefst taflmennska kl 19:30 eða 19:45 ef Ingimundur verður með, sem er nokkuð líklegt.

Flugeldar af öllum stærðum og gerðum í verðlaun fyrir 3 efstu sætin.  Að auki verða 2 heppnir keppendur dregnir út og fá einnig flugelda og allskyns áramótadót.

Tefld verður hraðskák með 5 mínútna umhugsunartíma, að lágmarki 12 umferðir.

Hvetjum landsmenn nær og fjær til að koma og taka þátt í þessu stærsta flugeldaskákmóti landsins.

Páll Leó Vetrarsólstöðumeistari SSON 2011 !

Þrettán keppendur settust að tafli í kvöld á hinu árlega Vetrarsólstöðumóti félagsins þar á meðal góðir gestir og miklir vinir okkar þeir Óskar Haraldsson og Gunnar Freyr Rúnarsson með þeim í för var einnig þýðversk stúlka frá Nürnberg er gegnir nafninu Lea, því voru hvorutveggja ljón og ljónynja að tafli á Selfossi í kvöld.

Tefldar voru 5 mínútna skákir allir við alla og öfugt.  Snemma tóku þeir Gunnar Freyr og Páll Leó forystuna með þá bræður Úlfhéðinn og Ingimund skammt undan, aðrir náðu ekki að blanda sér af neinu viti í topbaráttuna.

Í áttundu umferð mættust þeir Gunnar og Páll, þar hafði Páll öruggan sigur og náði forystunni og lét hana ekki af hendi það sem lifði móts.  Sá eini sem náði að taka vinning af Páli var Grantas sem náði þó ekki nema hálfum.

Lokastaða:

1. Páll Leó                     11,5
2. Gunnar Freyr             10,5
3. Úlfhéðinn                    8
4. Ingimundur                 6,5
5.-7. Grantas                 6
5.-7. Ingvar Örn             6
5.-7. Erlingur J                6
8.-9. Inga                       5,5
8.-9. Magnús M              5,5
10. Óskar H                    4,5
11.-13. Lea                    3
11.-13. Magnús Garð      3
11.-13. Erlingur Atli         3

Miðvikudaginn 28.des fer fram jólamót félagsins og hefst taflmennska venju samkvæmt kl 19:30.

Vetrarsólstöðumót SSON !.....update

fer fram næstkomandi miðvikudagskvöld kl 19:30, tefldar verða hraðskákir venju samkvæmt að lágmarki 12 umferðir.

Allir þeir sem tóku þátt í hinu árlega aðventuhraðskákmóti síðasta miðvikudag hafa boðað komu sína, að auki má jafnvel búast við góðum gestum af höfuðborgarsvæðinu.

Léttar veitingar í boði Kjörís, venju samkvæmt.

Staðfest: Félagar okkar af höfuðborgarsvæðinu mæta til leiks !