Dagskrá SSON í desember

Desember-hraðskáksmótið verður haldið miðvikudaginn 11. desember. 
Fimm bestu mótin af átta eru talin til stiga. Mótið er það þriðja í röðinni af átta.  

 

Hraðskáksmót SSON 2013 fer fram miðvikud. 18. desember. 
Allir félagar eru hvattir til að mæta.
Björgvin Smári er núverandi hraðskáksmeistari SSON (2012)en náði hann titlinum af þáveraverandi formanni SSON Magnúsi Matthíassyni eftir þó nokkrar sviptingar eins og kemur fram í skemmtilegri umfjöllun Magnúsar um mótið í fyrra.

 

1. des. 2012 skrifar Magnús á http://sudurskak.blog.is/blog/sudurskak/?offset=90

" Björgvin S.Guðmundsson varð í kvöld hraðskákmeistari SSON !

Átta keppendur mættu til leiks og var tefld tvöföld umferð alls 14 skákir eins og gefur að skilja. Mótið að mörgu nokkuð jafnt, hraðskákmeistari síðasta árs Magnús Matthíasson tefldi þó af sæmilegu öryggi og leiddi mótið lengst af en aðrir keppendur voru mjög skammt undan.  Magnús sem hafði ekki tapað skák allt mótið mætti síðan Björgvini í síðustu umferð, Björgvin hafði sigur í báðum skákunum og náði þar með að jafna formanninn að vinningum.

Þeir tefldu því bráðabana, tvær skákir, Björgvin vann þá fyrri en Magnús þá síðari, var þá gripið til svokallaðrar heimsendaskákar þar sem dregið var um lit, Björgvin dró svartan og fékk 5 mín á klukkuna en Magnús hafði hvítt og sex mínútur.  Björgvini dugði jafntefli en gerði gott betur og vann skákina örugglega og tryggði sér þar með titilinn.

Í viðtali við síðuritara sagðist Magnús aðspurður vera sáttur við taflmennsku sína í mótinu og sagði að auki "ég mætti ofjarli mínum í Björgvini og óska honum innilega til hamingju með sigurinn", Magnús var þó að vonum niðurlútur eftir baráttuna og sagði að lokum, "ég hefði betur haldið mig við Anderson byrjunina heldur en að fara út í enska leiki í bráðabana, það hefur aldrei kunnað góðri lukku að stýra að leita í smiðju þeirra ensku".

Því miður náðist ekki viðtal við Björgvin á skákstað en stjórn félagsins óskar honum hjartanlega til hamingju með góðan sigur og titil."

----------------------------

Hér kemur svo stigakerfið sem farið er eftir í hraðskáksmótaröðinni.

Staðan í stigakeppninni verður uppfærð eftir desembermótið.
Björgvin leiðir keppnina eftir sigra í tveimur fyrstu mótunum.  

 

 

stigakefi:		1.sæti	10 stig
		2.sæti	8 stig
		3.sæti	6 stig
		4.sæti	5 stig
		5.sæti	4 stig
		6.sæti	3 stig
		7.sæti	2 stig
		8.sæti	1 stig

 

-/bsg 

 

 

 

 

Sveitakeppni HSK í skák

Héraðsmót HSK í sveitakeppni í skák var haldið í Fischer-setrinu á Selfossi 27. nóvember 2013. Tefldar voru atskákir og skipuðu fjórir einstaklingar hverja sveit, óháð aldri eða kyni. 

Fimm sveitir mætti til leiks og lið Umf. Ásahrepps stóð uppi sem sigurvegari með 12,5 vinninga af 16 mögulegum. Þetta er í fyrsta skipti sem lið félagsins vinnur HSK meistaratitil í skák. Sigurliðiðið skipuðu þeir Grantas Grigoranas, Erlingur Jensson, Magnús Garðarsson og Þorvaldur Siggason. Erlingur og Þorvaldur voru einnig með bestan einstaklingsárangur en þeir unnu allar skákir sínar.

Úrslit urðu sem hér segir:

Umf. Ásahrepps - Umf. Hekla       3 - 1

Umf. Gnúpverja - Umf. Selfoss     1,5 - 2,5

Umf. Ásahrepps - Íþr.f. Dímon      3 - 1

Umf. Hekla - Umf. Gnúpverja        2 - 2

Umf. Ásahrepps - Umf. Gnúpverja 3,5 - 0,5

Umf. Selfoss - Íþr.f. Dímon          3,5 - 0,5

Umf. Ásahrepps - Umf. Selfoss     3 - 1

Umf. Hekla - Íþr.f. Dímon             2 - 2

Umf. Selfoss - Umf. Hekla            4 - 0

Íþr.f. Dímon - Umf. Gnúpverja      0 - 4

 

Lokataðan:

1.    Umf. Ásahrepps       12,5 vinningar

2.    Umf. Selfoss           11 vinningar

3.    Umf. Gnúpverja         8 vinningar

4.    Umf. Hekla               5 vinningar

5.    Íþr.f. Dímon              3,5 vinningar

Björgvin Smári vann nóvembermótið

Nóvemberharðskákmótið, annað af átta mótum í mótaröðinni, fór fram 4. desember. Björgvin Smári varð efstur og hefur því tekið forustu í stigakeppninni þar sem hann vann líka októbermótið.

Tímamörk mótsins  eru 3 min. og 2 viðbótarsek. við hvern leik. 

Úrslit nóvermermótsins:

1. Björgvin Smári  Guðmunds. 8 v.
2. Magnús Matthíasson           7 v.

3. Grantas                               5,5
4. Erlingur Atli                          4 v.
5. Erlingur Jensson                  3 v.

6. Þorvaldur Siggason             2,5 v.

 

Desembermótið fer fram næsta miðvikudaginn 11. desember og harðskáksmeistarmót SSON fer síðan fram 18. desember.  

Skákskóli Íslands í Fischersetri

Tíu vikna námskeiði Skákskóla Íslands og SSON í Fischersetri fyrir grunnskólabörn lauk sl. laugardag.  Vel tókst til í alla staði og er vilji fyrir því að halda annað námskeið í byrjun næsta árs. Helgi Ólafsson sá um framkvæmd  námskeiðsins með aðstoð Björgvins Smára formanns SSON. Björn Ívar Karlsson og Björn Þorfinns. komu einnig, eitt skipti hvor,  sem gestakennarar. Lokadaginn var teflt af krafti og var boðið uppá heitt súkkulaði og kleinur. Þátttakendur fengu síðan allir viðurkenningaskjal og skákbók að gjöf.
Ekki var að heyra annað en að bæði foreldrar og börn hafi verið hæstánægð með framtakið. Stjórn Fischerseturs og SSON þakka Helga fyrir ánægjulegt samstarf sem vonandi verður áframhald á. 

Héraðsmót HSK í skák

 

Héraðsmót HSK í skák 

Héraðsmót HSK í sveitakeppni í skák verður haldið í Fischer-setrinu á Selfossi miðvikudaginn 27. nóvember nk. og hefst kl. 19:30. Tefldar verði atskákir og skipa fjórir einstaklingar hverja sveit, óháð aldri eða kyni. Skráningar berist á [e-mail]   fyrir 25. nóvember nk.

 

Ingimundur sigraði á atskáksmóti SSON

Ingimundur Sigurmundsson varð atskáksmeistari SSON sl. miðvikudag. 

Eftir mótið sjálft voru þeir Ingimundur og Úlfhéðinn Sigurmundssynir efstir og jafnir ásamt Björgvini Smári með 4,5 vinninga úr 6 skákum. Gripið var til þess ráðs að tefla 2x5 mín. hraðskák til að knýja fram úrslit og vann IngimundUr þá rimmu með fullu húsi og tryggði sér atskáksmeistaratitilinn. Óskum við Ingimundi til hamingju með sannfærandi sigur þar sem hann vann bæði Björgvin og Úlfhéðinn í mótinu sjálfu en tapaði reyndar óvænt og slysalega fyrir Erlingi Atla. 

Atskákmótið heldur áfram...

Atskákmótið heldur áfram næsta miðvikudag. 20. nóv.  Ingimundur Sigurmundss. leiðir mótið með fullu húsi.  Sjö keppendur taka þátt í mótinu og eru fjórar umferðir búnar. 

Meistaramót SSON í atskák

Meistaramót SSON í atskák fer fram 13. nóvember. Sitjandi meistari í atskák hjá SSON er Ingimundur Sigurmundsson. Tefldar verða þrjár skákir á kvöldi. 

Set ehf (Magnús Matthíasson) sigraði í Firmakeppni Suðurlands

Níu fyrirtæki tóku þátt í Firmakeppni Suðurlands í ár.  Magnús Matthíasson sem tefldi fyrir Set ehf sýndi mátt sinn og sigraði eftir harða baráttu við Ingimund Sigurmundsson sem tefldi fyrir Landsbankann Selfossi. Það þurfti reyndar bráðabana til að knýja fram úrslitin. Fast á hæla þeirra í þriðja sæti kom skákmeistari SSON Björgvin Smári en hann tefldi fyrri Arion banka Hellu. 
Önnur fyrirtæki sem tóku þátt í mótinu voru Kjörís, Jötunn vélar, Verkís, VÍS, Sauðfjársæðingastöð Suðurlands og Árvirkinn.  Mótið heppnaðist í alla staði mjög vel og þakkar Skákfélag Selfoss og nágrennis öllum þessum fyrirtækjum kærlega fyrir veittan stuðning. 

 

-/bsg 

Októbermót, úrslit

 

Fimm bestu mótin telja í stigakeppninni um mánaðarmeistara SSON í hraðskák. 

Tímamörk eru 3:2.  

 

Úrslit októbers mánaðarhraðskáksmóts: 

 

1.  Björgvin  10 v. 

2.-3  Ingimundur og Magnús 9 v. 

4. Úlfhéðinn  7 v.

5. Grantas    5,5 v.

6. Þorvaldur 4,5.