Októbermót

Októbermót (hraðskák) fer fram 30. okt. Mótið hefst upp úr 19:30

 

kv. -/bsg 

Formaður á flugi

Létt hraðskáksæfing var tekin s.l. miðvikudagskvöld hjá SSON félögum. 

Tefldar voru tíu umferðir með nýjum Magnúsartaflmönnum frá Kína.

Magnúsarmenn léku vel í höndum formannsins, Björgvin Smára og gaf hann engin grið og endaði með 9,5 vinninga, enda nýbakaður meistari þeirra SSON félaga. Magnús sjálfur hrökk ekki gang fyrr en í sjöundu umferð og vann þá rest og dugði það honum í þriðja sæti.  

1. Björgvin Smári            9,5
2. Grantas                      5,5
3. Magnús Matt.             4,5
4-6 Erlingur Jensson       3,5
      Úlfhéðinn  Sigurm.    3,5
      Þorvaldur Siggason   3,5      

Miðvikudagsæfing 23. október

Eftir átök í Íslandsmóti skákfélaga og meistaramót SSON verður tekin létt æfing á miðvikudaginn 23. okt. 
Lagt verður einnig á ráðinn og staðan tekin varðandi komandi firmakeppni. 

 

-/bsg 

Hraðskák, fyrirlestur og bókagjafir í Fischers-setri

Gunnar Finnlaugsson var með fyrirlestur 9. október s.l. um bækur um Fischer og aðrar bækur sem hann kom með færandi hendi til Fischers-seturs. Að loknum skemmtilegri tölu Gunnars var að sjálfsögðu tefld hraðskák þar sem tíu þátttakendur skráðu sig til leiks. 

1. Páll Sigruðsson (TG) 7 v. 
2. Björgvin Smári 6 v.
3. Siguringi Sigjurjóns. 5,5 v.
4.-5 Grantas  og Mangús Matt. 5 v. 
6. Ingimundur 4,5 v. 
7. Gunnar Finnlagus 4 v. 
8. Úlfhéðinn 3,5 v. 
9. Þorvaldur 3 v.
10. Erlingur Atli 1,5 v. 

SSON félagar og setrið þakka Gunnari fyrir heimskóknina og góðar gjafir. Einnig var frískandi að fá þá Pál Sigurðsson (TG). og Siguringa í spjall og tafl :)    -/bsg

Firmakeppni framundan...

Ágætu félagar

 

Nú er verið að undirbúa firmakeppni sem við ætlum að halda bráðlega, e.ca hálfan mánuð.

 

Mikilvægt að ganga í söfnun, safna fyrirtækjum sem styrkja mótið. Upphæðin sem safnast fer upp í skákklukkurnar sem við vorum að fjárfesta í.
Nú þegar eru komin tvö fyrirtæki og stefnum við að fá allavega tíu. 

 

Gangi ykkur vel.

 

Frekari upplýsingar veitir Björgvin í síma 6618642 og á [e-mail] 

 

-/bsg 

Björgvin Smári sigraði á Meistaramóti SSON

 

 

Björgvin Smári Guðmundsson sigraði á Meistaramóti Skákfélags Selfoss og nágrennis. Mótinu lauk s.l. miðvikudag og hlaut Björgivn Smári 5,5 vinninga úr 6 skákum.  Í lokaskákinni mætti Björgivn Úlfhéðni og voru báðir fyrir skákina með 4,5 vinninga og var því um hreina úrslitaskák að ræða. Björgvin sem hafði svart náði fljótlega frumkvæðinu í skákinni og vann örugglega í 23 leikjum. 

 

 

 

 Lokastaða mótsins: 

1. Björgvin Smári Guðmundsson 5.5 v. 
2.-3. Grantas Grigoranas             4,5 v. 
2.-3. Úlfhéðinn Sigurmundsson   4.5 v. 
4. Ingimundur Sigurmundsson    2,5 v.
5. Magnús Matthíasson               2.0 v.  
6.-7.. Þorvaldur Siggason            1,0 v. 
6.-7. Erlingur Atli Pálmason         1,0 v. 

 

Meistaramót SSON, lokaumferðir

Síðustu skákir mótsins fara fram miðvikudag 16. okt. og ráðast þá úrslit. 

 

Erlingur Atli- Björgvin

Úlfhéðinn-Björgvin

Magnús -Þorvaldur

 

Öðrum skákum er lokið.   

 

Þrír efstir eru: 

 

Úlfhéðinn er efstur með 4,5
Grantas 4,5

Björgvin 3,5.  

Gott gegni á Íslandsmóti skákfélaga

SSON stóð sig vel í fyrri hluta íslandsmóts skákfélaga.  A-liðið er í 3. deild og er í efstu sætum. Af öðrum ólöstuðum skiluðu Ingvar Örn og Erlingur Jensson flestum vinningum. Glæsilegt hjá þeim og liðinu öllu. 
B- liðið tók líka góða spretti og gaman að sjá Arnar Erlings. vinna 2 af 3 og eins Erling Atla. 
Almar Máni Þorsteinsson 12 ára frá Hellu tefldi eina skák og vann, flott hjá honum. Ekki má gleyma Stefáni Bjarnasyni sem vann allar þrjár skákir sínar. Annars tefldu allir af krafti og sýndu skemmtileg tilþrif og ekki skemmdi liðsandinn, sem er þéttur og góður. 

 

 

 

 

 

 

 

 

 

 

 

 

 

 

 

 

 

 

 

 

-/bsg 

Liðskipan í Íslandsmóti skákfélaga

 

Liðin farin að taka á sig mynd:

 

Breytingar tilkynnist til Björgvins s. 6618642

 

Smellið á mynd til að stækka.   -/bsg

 

 

Fyrirlestur og spjall um Fischer í Fischers-setri

Gunnar Finnlaugsson verður með umfjöllun um bækur sem skrifaðar hafa verið um Bobby Fischer n.k. miðvikudagskvöld 9. okt. Kl: 19:00. Á annaðhundrað bækur hafa verið skrifaðar um ævi Fischers og hefur Gunnar lesið fjölmargar af þeim og hefur því frá mörgu athyglisverðu  að segja. Að loknu kaffi og spjalli verður tefld hraðskák á vegum skákfélagsins. Allir eru velkomnir og þá sérstaklega “riddararnir” sem stóðu vaktina í sumar í setrinu. Hraðskákin hefst um kl. 20:00. 

Einnig munu félagsmenn leggja á ráðin varðandi komandi Íslandsmót skákfélaga sem hefst næstu helgi.  Vel gegnur að manna liðin tvö sem SSON sendir í keppnina og birtist liðskipan von bráðar hér á SSON síðunni.