Reykjavík Open 2013

Reykjavíkurmótið í skák hefst í dag, í Reykjavík.  Skákfélag Selfoss og nágrennis á tvo fulltrúa á mótinu en það eru syskinin Ingibjörg Edda (1783) og Ingvar Örn (1953).

Hér er um að ræða eitt stærsta og virtasta skákmót sem haldið er ár hvert í heiminum, keppendur í ár eru um 230 þar af 170 erlendir skákmenn.  Stigahæsti keppandinn er Anish Giri sem er með 2720 skákstig.  Meðal keppenda er einnig engin annar en goðsögnin Friðrik Ólafsson sem er elsti keppandinn á 79.aldursári.  Að auki taka þátt flestir aðrir sterkustu skákmenn þjóðarinnar.

Allar upplýsingar um mótið er hægt að nálgast hér að neðan

http://www.skak.blog.is/blog/skak/

http://chess-results.com/tnr72648.aspx?lan=1

http://www.reykjavikopen.com/

Vegna mótsins hefur verið ákveðið að fella niður æfingu hjá SSON miðvikudagskvöldið 20.feb þar sem nokkrir félagsmenn hyggjast fara á skákstað að fylgjast með herlegheitunum í glæsilegum húsakynnum Hörpu.

Stjórn SSON sendir keppendum félagsins baráttukveðjur.

 

Mundi og Palli

...jafnir og efstir á Öskudagsmóti félagsins í kvöld þar sem tefldar voru 10 mín skákir, venju samkvæmt.

Sjö keppendur mættu til leiks og tóku skákina fram yfir tuðruspark í sjónvarpinu og meira að segja Suðurlandsslag í handboltanum, þar sem vel að merkja Selfyssingar slógu út fjölnota lið ÍBV í bikarkeppni HSÍ.

Páll Leó leiddi mótið fram að síðustu umferð þar sem hann mætti Ingimundi sem eins og alkunna er hampar titlinum atskákmeistari SSON, Mundi sýndi hvað í honum býr og hafði góðan sigur á Páli og tryggði sér þar með deilt efsta sæti á mótinu.

Ingvar Örn, sem verður fulltrúi félagsins á Reykjavík Open sem hefst í næstu viku, stóð sig einnig vel og varð í þriðja sæti á eftir þeim kumpánum með 4 vinninga.  Miklar vonir eru bundnar við Ingvar á Reykjavíkurmótinu, þótt hann eigi líklega ekki möguleika á sigri er það krafa stjórnar SSON að hann nái að minnsta kosti 50% vinningshlutfalli og hækki um 30 skákstig, auk þess sem hann verði þekktur fyrir hugprýði, manngæsku og háttvísi í bland við flóíska keppnishörku.

Lokastaða Öskudagsmóts:
1. Ingimundur    5v
2. Páll Leó         5v
3. Ingvar Örn    4v
4. Grantas        2v
5. Úlfhéðinn      2v
6. Magnús        2v
7. Björgvin       1v

 

Öskudagsmót SSON !

Hið árlega Öskudagsmót félagsins fer fram miðvikudagskvöldið hinn 13.feb og hefst taflmennska kl 19:30.  Tefldar verða 10-15 mín skákir allt eftir fjölda keppenda og áhuga.

Stjórn félagsins hvetur sem flesta til að mæta og taka þátt í hollri og mannbætandi iðju.

Björgvin sigurvegari..

..Febrúaratskákmóts sem fram fór í gærkveldi.  Sjö keppendur mættu til leiks og var tefld einföld umferð.  Björgvin tefldi af öryggi og hafði sigur á mótinu, tapaði reyndar einni skák fyrir Páli en Páll tapaði fyrir Úlla og Magnúsi og varð að láta sér annað sætið lynda.

Lokastaðan.

1. Björgvin    5 v
2. Páll Leó     4 v
3. Grantas     3,5 v
4. Þorvaldur  3 v
5. Úlfhéðinn   3 v
6. Magnús      2,5 v
7. Arnar         0 v

Febat!

Annað kvöld, miðvikudagskvöldið 6.febrúar fer fram Febrúaratskákmótið, tefldar verða 10-15 mín skákir, allt eftir fjölda og áhuga þátttakenda.

Síðasta miðvkudag var sérstaklega góð mæting á æfingu og er von til þess að haldi áfram.

 

Sterkt mót !

Tíu kappar settust að skákborði í gærkveldi og tefldu 10 mínútna hraðskákir, tefld var einföld umferð allir við alla, í allt 9 skákir á haus.

Barist af hörku, venju samkvæmt, enda aðeins gerð 5 jafntefli.  Ingimundur, Páll Leó, Erlingur Jensson og Ingvar Örn fóru nokkuð mikinn en höfðu mismikið uppúr erfiði sínu en þó meira en flestir aðrir.

Ingimundur leiddi mótið að loknum 7 umferðum með fullu húsi en Páll Leó hafði þá leyft jafntefli gegn Úlfhéðni sem vel að merkja kom á dráttarvél á skákstað og tefldi á stundum í samræmi við það tempó.

Í síðustu umferð mættust tveir efstu menn þeir Ingimundur og Páll Leó, fór það svo, í allra viðstaddra viðurvist að Palli mátaði Munda með eina sekúndu á klukkunni, sem var sami tími og Ingimundur hafði en sú sekúnda skiptir ekki máli hér eftir í heimssögunni.

Lokastaðan:
1. Páll Leó         8,5
2. Ingimundur    7
3. Erlingur J.     6,5
4. Ingvar Örn    6,5
5. Úlfhéðinn      4,5
6. Magnús         4
7. Grantas        3,5
8. Þorvaldur     3
9. Erlingur Atli  1,5
10. Arnar E       0

Janúrarhraðat..

Janúarhraðatskákmótið fer fram annað kvöld, miðvikudagskvöldið 30.jan kl 19:30.  Tefldar verða 10-15 mín skákir allt eftir fjölda keppenda.

 

Ingvar Örn vann!

Ingvar Örn hafði góðan sigur á Þorramótinu sem kláraðist í gærkveldi.  Hann vann alla andstæðinga sína utan Grantas.  Grantas sem lengi vel var í forystu tapaði fyrir Magnúsi í næstsíðustu umferð og voru sigurvonir hans þar með úr leik.  Ingimundur og Ingvar Örn áttust síðan við í hreinni úrslitaskák í síðustu umferð.  Þar var teflt í botn og réðust úrslitin í hróksendatafli þar sem Ingvar sýndi áræði og þor í bland við mikla útsjónarsemi og vann atskákmeistara félagsins og tryggði sér þar með sigur á mótinu en þeir Grantas og Ingimundur deildu öðru sætinu.

Rank	Name	Rtg	Pts	SB
1	Birgisson Ingvar Örn	1786	5	11.50
2	Grigorianas Grantas	1683	4½	11.25
3	Sigurmundsson Ingimundur	1818	4½	9.25
4	Matthíasson Magnús	1616	3	5.50
5	Sigurmundsson Úlfhéðinn	1779	3	4.00
6	Siggason Þorvaldur	1450	1	0.00
7	Erlingsson Arnar	0	0	0.00

Næstkomandi miðvikudag fer fram Janúarhraðatið þar sem tefldar verða 10 mínútna skákir.

Ingimundur og Grantas efstir!

á Þorramóti SSON sem hefst sl. miðvikudag.  Vegna forfalla var ákveðið að breyta Þorramótinu í tveggja kvölda atskákmót með 25 mínútna umhugsunartíma.

Úrslit 1.-3.umferð

1.umf
Name	Rtg	Res.	Name	Rtg
Erlingsson Arnar	0	0  -  1	Sigurmundsson Ingimundur	1818
Grigorianas Grantas	1683	1  -  0	Sigurmundsson Úlfhéðinn	1779
Matthíasson Magnús	1616	1  -  0	Siggason Þorvaldur	1450
Birgisson Ingvar Örn	1786		Bye	0
2.umf
Name	Rtg	Res.	Name	Rtg
Sigurmundsson Úlfhéðinn	1779	1  -  0	Matthíasson Magnús	1616
Sigurmundsson Ingimundur	1818	½  -  ½	Grigorianas Grantas	1683
Birgisson Ingvar Örn	1786	1  -  0	Erlingsson Arnar	0
Siggason Þorvaldur	1450		Bye	0
3.umf
Name	Rtg	Res.	Name	Rtg
Grigorianas Grantas	1683	1  -  0	Birgisson Ingvar Örn	1786
Matthíasson Magnús	1616	0  -  1	Sigurmundsson Ingimundur	1818
Siggason Þorvaldur	1450	0  -  1	Sigurmundsson Úlfhéðinn	1779
Erlingsson Arnar	0		Bye	0

Mótstafla:

Rank	SNo.	Name	Rtg	1	2	3	4	5	6	7	Pts	SB	vict
1	3	Grigorianas Grantas	1683	*	½	1		1			2½	4.25	2
2	7	Sigurmundsson Ingimundur	1818	½	*		1		1		2½	2.25	2
3	6	Sigurmundsson Úlfhéðinn	1779	0		*	1			1	2	1.00	2
4	4	Matthíasson Magnús	1616		0	0	*			1	1	0.00	1
5	1	Birgisson Ingvar Örn	1786	0				*	1		1	0.00	1
6	2	Erlingsson Arnar	0		0			0	*		0	0.00	0
	5	Siggason Þorvaldur	1450			0	0			*	0	0.00	0

Þorramótið-breyting?

Ágætu skákáhugamenn og aðrir, ljóst að margir eiga erfitt með að skuldbinda sig í mót sem tekur allt að 8 miðvikudagskvöld því gerir formaður það að tillögu sinni að tefldar verði 40 mín skákir, tvær á kvöldi.  Tekin verður endanleg ákvörðun í kvöld í sátt og samlyndi allra keppenda.