epískur endasprettur......

tryggir Skákfélagi Selfoss og nágrennis sæti í 2.deild á næsta keppnistímabili.

Eftir að Selfyssingar höfðu átt mjög dapran fyrrri helming á Íslandsmóti skákfélaga og sátu sem dæmdir í 6.sæti deildarinnar eftir 4 umferðir af 7 var ljóst að verulega yrði á brattann að sækja, enda dagskipun liðsstjóra að róa að því öllum árum að tryggja tilveruréttinn í 3.deild.

Annað kom á daginn...

Selfyssingar byrjuðu á því að labba yfir sveit Taflfélags Reykjavíkur, sem höfðu ætlað sér í aðra deild, með 5-1 sigri.  Voru bjartsýnustu menn eftir þennan sigur jafnvel farnir að gæla við 3.sætið og bronsið.

baráttan var rétt hafin...

Næstu mótherjar Akureyringar með harðskeytta sveit reynslubolta, fyrirfam hefði þótt gott að ná 2-2,5 vinningum, annað varð úr Selfoss hafði harla öruggan sigur 3,5-2,5.

síðasta umferð og allt í einu er Selfoss komið í 3.sæti ásamt TR, Mátar lang efstir og búnir að tryggja sér sigurinn.  TR mætir Akureyringum og Selfoss mætir neðsta líðunu Haukum.

spennan rafmögnuð, í ljós kemur að Haukar höfðu gleymt hugrekkinu heima við og mættu aðeins með tvo keppendur til leiks, staðan því 4-0 í upphafi fyrir Selfoss.

Staðan fyrir þessa síðustu umferð:
Mátar 26.5
Akureyri 21,5
TR 20
Selfoss 20

Niðurstaðan :

TR-SA 3-3
Selfoss-Haukar 5-1

   Selfyssingar komnir í 2.deild þar sem þeir eiga svo sannarlega heima, stórskostleg barátta, sérstaklega á móti sveitunuum í 2. og 3. sæti skilaði verðskuldugu sæti í 2. deild.

SSON sendi einnig b-sveit til leiks og mun það vera í fyrsta sinn í fjöldamörg ár sem það er gert, hún tefldi í fjórðu deild, ljóst var að við ramman reip yrði fyrir hana að draga, eigi að síður stóð hún sig mjög vel, enda liðsmenn hennar allflestir að tefla í fyrsta sinn á stórmóti. Sveitin endaði í 24. sæti af 32 sveitum sem verður að teljast mjög góður árangur. 

Gott til þess að vita að framtíðin er björt í skákinni á Selfossi og menn þegar orðnir spenntir fyrir næsta keppnistímabili.