Skákfélag Íslands hefur tekið....

áskorun um að tefla við SSON.

Þetta eru að sönnu góðar fréttir og ljóst að við munum taka vel á móti félögum þessa ágæta skákfélags þegar þeir komu austur yfir heiðar.

Reikna má með að teflt verði annað hvort hinn 18.maí eða hinn 25.

sjá : http://www.skak.blog.is/blog/skak/ og einnig hér: http://hornid.com/cgi-bin/mwf/forum_show.pl

Tilkynning til félagsmanna

Formaður hefur á opinberum vettvangi skákmanna http://hornid.com/cgi-bin/mwf/forum_show.pl skorað á Skákfélag Íslands til sveitakeppni í skák. 

Formaður bíður spenntur svara við þessari áskorun og biður félagsmenn alla að vera í startholunum.

Ef Skákfélag Íslands hefur þrótt til að taka áskoruninni verður teflt í þessum mánuði.

Kjördæmismótið....

 ....í skólaskák fyrir Suðurland var haldið í Selinu félagsheimili SSON í dag.  Teflt var í tveimur flokkum venju samkvæmt, 1.-7. bekk og 8.-10. bekk.

Flúðaskóli fór mikinn og átti flesta keppendur og allflesta verðlaunahafa.  Athygli vakti að Grunnskóli Vestmannaeyja sendi enga keppendur í ár, sömuleiðis sendi Hvolsskóli ekki keppendur til leiks þótt hann hafi verið búinn að skrá þá.

Þó að mótshaldarar hafi saknað keppenda frá þessum tveimur höfuðvígjum barnaskákarinnar á Suðurlandi var mótið skemmtilegt og hart var barist.

Emil Sigurðarson vann allar skákir sínar í eldri flokki af þó nokkru öryggi og er verðugur fulltrúi okkar Sunnlendinga á Landsmóti.

Filip Jan tefldi einnig vel og vann allar skákir sínar utan eina þar sem hann gerði jafntefli við skólabróður sinn Rúnar Guðjónsson.  Filip og Halldór munu án efa standa sig vel á Landsmóti enda báðir miklir keppnismenn og Hrunamenn að auki.

það fór svo að fulltrúar Flúðaskóla og Grunnskóla Bláskógabyggðar skiptu mér sér verðlaunum, aðrir skólar komust ekki á verðlaunapall í þetta skiptið.

Sigurvegarar:

Yngri:
1. Filip Jan Jozefik
2. Halldór Fjalar Helgason
3. Einar Trausti Svansson

Eldri:
1. Emil Sigurðarson
2. Þórmundur Smári Hilmarsson
3. Alex Þór Flosason

   Það verða því þeir Filip, Halldór og Emil sem verða fulltrúar Suðurlands á Landsmótinu sem fram fer á Akureyri aðra helgi.

Sigursælir Selfyssingar

á páskamóti ungmennafélagsins Baldurs i Þingborg.  Ungmennafélagið hefur endurvakið páskamót sitt sem haldið var árlega til ársins 2002.  Á verðlaunabikar sem teflt var um mátti sjá að þeir bræður Ingimundur og Úlfhéðinn Sigurmundssynir höfðu verið að vinna þetta mót reglulega og til skiptis á árum áður.

Nú varð breyting á því Magnús Matthíasson fær nafn sitt letrað á bikarinn góða, en hann vann mótið með fullu húsi vinninga eða 11. 

Erlingur Atli Pálmarsson var einnig í feiknastuði og varð annar og félagi okkar Þorvaldur Siggason þriðji.

Hlutu þeir að launum veglega bikara, auk verðlaunapeninga og páskaegg.

Föstudagskvöldið langa...

klukkan 20:30 verður haldið Páskahraðskákmót á vegum UMF Baldurs að Þingborg.  Mótið er öllum opið og eru félagsmenn SSON hvattir til að mæta.

Takið eftir..

..ágætu félagsmenn, þar sem nú styttist í sumarfrí er ljóst að skákáhugi hefur dvínað, því verða ekki reglulegar æfingar á miðvikudögum næstu vikur en tilkynnt verður hér og símleiðis um leið og skákmót verða haldinn á okkar vegum eða ef okkur stendur til boða að tefla á öðrum vettvangi.

    kveðja MM formaður

Hraðskák í kvöld

Hraðskákmót fer fram í kvöld í Selinu að vanda, formaður kemst ekki til leiks en biður vinsamlegast aðra stjórnarmenn um að nálgast lykil að húsnæðinu.

Spennandi verður að sjá hvort einhver nái að stöðva sigurgöngu Ingvars !

Ingvar hafði...

það enn og aftur.  Sex keppendur mættu til leiks síðasta miðvikudag og tóku hraðskákmót, 10 umferðir, 5 mínútur.

Jafnt og spennandi mót enn að lokum stóð Ingvar Örn uppi sem sigurvegari, mun þetta vera fjórða mótið í röð sem hann vinnur hjá félaginu.

Lokastaða:
1. Ingvar Örn  7,5
2. Magnús M   7
3. Grantas      5
4. Erlingur J     4,5
5. Þorvaldur    3
6. Ingimundur 3

Þar sem mótið gekk greiðlega fyrir sig var ákveðið að taka annað mót, einnig 10 umferðir þar sem keppendur höfðu 5 mín til að ljúka tveimur skákum.  Þar var Ingimundur í essinu sínu og vann allar skákirnar, jafnir í 2.-4 urðu síðan Erlingur, Grantas og Magnús.

Næsta miðvikudag fer fram hraðskákmót og eru félagsmenn vinsamlegast beðnir um að fjölmenna vegna þess að þá skal þess freistað að stöðva epíska sigurgöngu Ingvars Arnar, vegna þess að ef hann vinnur í fimmta sinn í röð verða félagsmenn nauðbeygðir til að taka þátt í fjöltefli við hann þar næsta miðvikudag.

Hraðskák í kvöld !

Í kvöld fer fram hraðskákmót að hætti hússins, teflt í Selinu kl 19:30 að vanda.

 

Skákþing Norðlendinga

Skákþing Norðlendinga fer fram á Siglufirði helgina 8.-10. apríl nk.  Tefldar verða 7 umferðir, 4 atskákir og 3 kappskákir.

Komið hefur til tals hjá félagsmönnum SSON að halda í víking norður og taka þátt, ef af yrði myndu menn leggja af stað uppúr hádegi á föstudeginum.

Grundvöllur til farar er vel til staðar ef nokkrir lýsa yfir áhuga, ljóst að einhver þyrfti að leggja fram bifreið sína til farar og menn myndu deila með sér eldsneytiskostnaði.

Áhugasamir hafi samband við formann SSON.

Upplýsingar um mótið: http://hornid.com/cgi-bin/mwf/topic_show.pl?tid=11286