Gistingin á Selfossi

Varðandi gistinguna, þá þurfa menn í sjálfu sér ekkert að bóka fyrirfram, samið hefur verið um það að menn raði sér í herbergi eftir því sem hverjum hentar þegar mætt er á keppnisstað.  Nánari upplýsingar um gistinguna má finna hér: http://gesthus.is/. 

Um skoðanakannanir

Að gefnu tilefni vilja mótshaldarar benda keppendum og lesendum þessarar síðu á að skoðanakannanir sem á henni eru birtar eru einungis til gamans gerðar, fjöldi atkvæða í könnun hefur ekki endilega áhrif á gengi skákmanna í mótinu.  Eftir sem áður eru það vinningarnir á mótinu sjálfu sem telja

Eyjamönnum fjölgar!

Öðlingspilturinn og Vestmannaeyingurinn þórarinn Ingi Ólafsson (1635) hefur skráð sig til leiks, á sama tíma hefur hinn viðkunnalegi formaður SSON Hlynur Gylfason hætt við þátttöku.

26.keppandinn skráður til leiks

Ingvar Örn Birgisson (1635) SSON hefur skráð sig til leiks.

Hverjir hafa teflt mest?

Eins og lesendum þessarar síðu er kunnugt er keppnishópurinn á Suðurlandsmótinu skemmtileg blanda skákmanna á ýmsum aldri og með mismikla reynslu. 

Sá keppandi sem flestar skákir á að baki sem reiknaðar hafa verið til íslenskra skákstiga er Sigurður H. Jónsson en hann hefur teflt 537 skákir, næstflestar hefur Helgi Jónatansson teflt eða 379 skákir, skammt undan koma síðan Einar S. Guðmundsson (355), Sverrir Unnarsson (350), Magnús Gunnarsson (310) og Páll Leó Jónsson (309). 

Ný könnun

Rétt tæplega 50% síðunnar töldu að Björn Ívar Karlsson myndi leiða mótið að loknum atskákum.  Nú er komin inn ný könnun, hver verður Suðurlandsmeistari í skák 2009? Hún kemur til með að standa fram að móti.

Spenna í Eyjum-flestir frá Selfossi!

Í þessum skrifuðu línum er rétt vika í það að Suðurlandsmótið hefjist.  Flestir keppendur koma frá Skákfélagi Selfoss og nágrennis eða 10 næst á eftir koma Eyjamenn með 9 keppendur.  

Þess má geta að Skákþing Vestmannaeyja er nú í fullum gangi og er fjórum umferðum lokið.  Björn Ívar Karlsson leiðir mótið, hefur sigrað alla andstæðinga sína, í öðru sæti er efnilegasti skákmaður Eyjanna Ólafur Týr Guðjónsson sem aðeins hefur leyft jafntefli á móti margföldum skákmeistara Vestmannaeyja Sverri Unnarssyni. 

Athygli vekur reyndar að Ólafur Týr hefur ekki enn skráð sig til leiks á Suðurlandsmótið en von er til að úr því muni rætast þegar nær dregur.  Nokkrir aðrir skákmenn eru enn að hugsa sinn gang þó ætla megi að keppendalisti sé farinn að taka á sig nokkuð endanlega mynd.

Enn uppfærður listi - 25 skráðir til leiks

Keppendalisti
NAFN	Félag	Ísl.stig	Alþ.stig	Atstig	FIDE code.
1. Björn Ívar Karlsson	TV	2155	2205	2230	2301687
2. Magnús Gunnarsson	SSON	2055	2117	2035	2302322
3. Páll Leó Jónsson	SSON	2035	2064	2085	2302365
4. Helgi Jónatansson	SR	2015	2067	1990	2301210
5. Sverrir Unnarsson	TV	1865		1960	2304805
6. Sigurður H. Jónsson	TKef	1810	1879	1745	2302713
7. Úlfhéðinn Sigurmundsson	SSON	1765		1850	2303892
8. Ingimundur Sigurmundsson	SSON	1750		1920	2303884
9. Magnús Matthíasson	SSON	1725		1800	2306034
10. Einar S. Guðmundsson	TKef	1720	1696	1770	2302357
11. Erlingur Jensson	SSON	1660		1645	2303019
12. Nökkvi Sverrisson	TV	1640		1690	2304376
13. Grantas Grigorianas	SSON	1610			2305500
14. Karl Gauti Hjaltason	TV	1595		1570	2302640
15. Stefán Gíslason	TV	1590		1745	2302276
16. Emil Sigurðarson	UMFL	1540		1370	2304163
17. Hlynur Gylfason	SSON	1525		1840	2302535
18. Hilmar Bragason	UMFL	1390			2306204
19. Kristófer Gautason	TV	1295		1460	2302098
20. Daði Steinn Jónsson	TV	1275		1480	2303159
21. Ólafur Freyr Ólafsson	TV	1245		1375	2303930
22. Sigurjón Mýrdal	UMFL				2306506
23. Gísli Magnússon	SSON				2303418
24. Valur Marvin Pálsson	TV				2307405
25. Magnús Garðarsson	SSON				2302020

Enn fjölgar keppendum

Það er mótshöldurum mikið ánægjuefni að tilkynna þátttöku Ingimundar Sigurmundssonar á Suðurlandsmótinu.

Bætist í hópinn!

Páll Leó Jónsson sitjandi Suðurlandsmeistari ætlar að freista þess að verja titilinn - sem hann vann á níunda áratug síðustu aldar.