TV sameinast SSON !....uppfært !!

Stjórn Skákfélags Selfoss og nágrennis kom saman á fundi í Tryggvaskála í gærkvöldi og tók fyrir bréf það sem borist hafði frá stjórn Taflfélags Vestmannaeyja.   

 "Stjórn Taflfélags Vestmannaeyja óskar hér með eftir tafarlausri inngöngu í Skákfélag Selfoss og nágrennis, TV leggur ekki fjármuni til búsins en hefur fengið skriflegt samþykki Þorsteins Þorsteinssonar (2480) og Páls Magnússonar (2013) um að þeir taki að sér skákkennslu í uppsveitum Árnessýslu og í Hraungerðishreppi (þó ekki í sauðburði) sem greiðslu á inngöngugjaldi. TV óskar sömuleiðis eftir því að leggja til búsins skákbókasafn formanns félagsins, bókina Sönn íslensk sakamál (latína:Exeptio Veritas) auk skákklukka og taflmanna frá Þýska Alþýðuveldinu (þýska:Deutsche Demokratische Republik). Taflfélag Vestmannaeyja leggur að auki til eins hundraðshluta (tölugildi :1%) eign félagsins í eystri hafnargarði Landeyjahafnar auk pepsí- og twixsjálfsala í afgreiðslu."

Stjórn SSON frestar afgreiðslu málsins fram yfir kvöldmjaltir annars dags Páska.

erindi TV hafnað 2.apríl.

Björgvin Smári..

hafði sigur á geysiskemmtilegu og spennandi Páskamóti SSON.  Teflt var skv. stigakerfi formanns þar sem menn fá þeim mun fleiri stig fyrir sigur í skák sem tíminn sem þeir nota er minni.

Tveir nýliðar mættu á sitt fyrsta skákmót í háa herrans tíð, sem kom vel á vondan þar sem óvenjumargir fastagestir komust ekki til leiks.  Taktík manna var misjöfn eins og gengur, nýliðarnir notuðu yfirleitt 5 mín á meðan reyndari skákmenn notuðu 1 eða 2 gegn þeim, og varð hált á, stundum.

Skemmtilegt mót sem nú var haldið í annað sinn og vonandi að þar með sé það orðið að árvissum viðburði.  Allir keppendur fengu unaðsgóð páskaegg í verðlaun, Björgvin hið stærsta eins og gefur að skilja.

Lokastaðan:
1.  Björgvin Smári 62 stig
2. Páll Leó              56 stig
3. Magnús M           56 stig
4. Ingvar Örn         40 stig
5. Grantas              27 stig
6. Þorsteinn            17 stig
7. Þröstur Á            12 stig

 

Páskafullorðinsmót SSON !

fer fram í Selinu miðvikudagskvöldið 27.mars kl 19:30.

Teflt verður samkvæmt MM* stigakerfinu.

Veitingar í formi fljótandi brauðs í boði stjórnar.

Verðlaun fyrir 8 efstu sætin !

Allir félagsmenn sem aðrir velkomnir.

Fyrir hönd stjórnar SSON Magnús M formaður.

 

 

* Stigakerfi MM © :
1. Við upphaf skákar tilkynnir sá er hvítan lit hefur hve mikinn tíma hann hyggst nota í skákina, 1-5 mínútur. Síðan gerir sá er svart hefur slíkt hið sama.
2. Vinnist skák með tímann 1 mínúta fást 5 stig, vinnist skák með tímann 2 mínútur fást 4 stig og svo koll af kolli.
3. Jafntefli gefur alltaf 1 stig.

Björgvin Smári..

öruggur sigurvegari Ofuratskákmótsins sem fram fór í kvöld.  Sjö keppendur mættu að borðunum og tefldu 10 mín skákir.  Björgvin Smári fór mikinn og lagði alla andstæðinga sína af öryggi og höfðu áhorfendur orð á að þvílík og önnur vinnubrögð hefðu ekki sést í Selinu í háa tíð.

Mótið þess utan nokkuð jafnt að vanda og sannaðist hið fornkveðna að enginn er annars vinur í leik auk þess sem í ljós kom að hinir fyrstu munu síðastir verða þegar sigurvegari síðasta móts lenti í neðsta sæti í kvöld.

Lokastaðan:
1. Björgvin Smári  6v
2. Páll Leó            4,5
3. Úlfhéðinn          3,5
4. Ingimundur       3
5. Grantas             2
6. Magnús             2
7. Erlingur J          0

Næstkomandi miðvikudagskvöld fer fram hið  árlega Páskaeggjamót þar sem teflt verður eftir punktakerfi formanns sem gengur í meginatriðum út á að menn fá þeim mun fleiri stig fyrir vinning í skák eftir því sem tíminn sem þeir ákveða á skákina er minni.

Ofuratskákmótið !

Ofuratskákmót SSON fer fram miðvikudagskvöldið 20.mars kl 19:30.  Tefldar verða 10-15 mín skákir.  Stjórn vonast eftir góðri þátttöku og hörkumóti, mótið er jafntframt góð upphitum fyrir úrtökumót HSK vegna Landsmóts Ungmennafélaga 2013.

 

Héraðsmót HSK-yngri.

Héraðsmót HSK í skák 16 ára og yngri

Laugardaginn 6. apríl Kl:11.00 verður haldið Héraðsmót HSK í skák fyrir 16 ára og yngri og verður það haldið í Grunnskólanum á Hellu.
Tefldar verða 5-6 umferðir eftir monrad-kerfi og verður umhugsunartíminn 10 mín á keppanda í hverri skák.
Ungmennafélagið Hekla  mun sjá um og halda mótið. Mótstjóri verður Björgvin S Guðmundsson.
Verðlaun verða veitt í þremur flokkum, auk þess sem stigahæsta félagið fær bikar.  Flokkar sem keppt er í:
9 ára og yngri     (1-4 bekkur)
10-12 ára            (5-7 bekkur)
13-16 ára          (8-10 bekkur) 

Skráning í mótið sendist á netfangið: [e-mail] (Tilgreina þarf, nafn, fæðingaár og félag) Upplýsingar hjá Guðmundi í síma 868-1188   

Erlingur !

Erlingur fór mikinn og hafði mjög svo góðan sigur á 10 mínútna Marsmóti sem fram fór í gærkveldi.  Mótið skipað átta valinkunnum hraðskákmeisturum sem engin grið vildu gefa en Erlingur sigraði þá alla utan einn sem nái jafntefli við skákvélina.

Lokastaðan:

1. Erlingur Jensson  6,5
2. Páll Leó               5,5
3.Björgvin               5,5
4. Ingimundur         4
5. Úlfhéðinn            2,5
6. Magnús               2,5
7. Grantas              1,5
8. Ingvar Örn          1

Marsmótið ofl.

 

Árlegt Marshraðskákmót SSON fer fram miðvikudagskvöld kl 19:30, tefldar verða 10-15 mín skákir.  Auk þess verður litið á meistaraverk félagsmanna frá því á Íslandsmótinu nýverið.

Mikilvægt er að sem flestir mæti þar sem einnig mun fara fram stuttur fundur um aðkomu félagsins að Fischersetrinu fyrirhugaða.

  MM

Æfing í kvöld?

Formaður og lyklavaldhafi kemst ekki til æfingar í kvöld, þeir sem hafa hug á að mæta eru beðnir að nálgast lykla hjá honum.

Árangur ásættanlegur

Íslandsmótinu í skák fyrir keppnistímabilið 2012-2013 lokið.

Eins og kunna er vorum við með 2 sveitir í ár.

A-sveitin sem er í þriðju deild endaði í 10.sæti af 16 liðum.

B-sveitin endaði i 8.sæti af 18 í fjórðu deild. 

Árangur sem er nokkuð í samræmi við styrkleika sveitanna en  þó hefði mátt búast við eilítið hagstæðari niðurstöðu.  Nokkrir félagar okkar áttu frábærar skákir og skiluðu inn mikilvægum punktum meðan aðrir áttu ekki góða daga.

Á myndinni til hliðar má sjá tvær goðsagnir úr íslensku skáklífi, Friðrik Ólafsson okkar fyrsta stórmeistara sem tók þátt í ár á 78.aldursári, betri og meiri töffari en flestir og síðan Jóhann Hjartarson tengdason Selfoss.

Í A-sveitinni var Ingimundur með langbestan árangur, hann hlaut 5 vinninga i 6 skákum.

Þau Inga, Stefán og Þorvaldur stóðu sig best í B-sveitinni, voru öll með 4,5 vinninga.

Hittumst á miðvikudaginn í Selinu og förum yfir skákir, teflum og spjöllum.