TR vann öruggan sigur á SSON

Skákfélag Selfoss og nágrennis fékk góða heimsókn TR manna 21. ágúst í Hraðskákskeppni taflfélaga.
Teflt var í Fischersetri, en þar er félagsaðstaða SSON.

TR vann öruggan sigur eða 65 v. á móti 7 v. heimamanna. Skor TR manna á efstu borðum var eftirfarandi:

Hannes Hlífar Stefánsson 12  v. af /12
Guðmujndur Kjartansson  10,5/12
Þorvarður Fannar Ólafsson   11/12
Daði Ómarsson       12/12
Kjartan Maack 10,5/11

Ingimundur Sigurmundsson var með flesta vinninga heimamann eða 2,5 v. /12


SSON þakkar TR ingum fyrir skemmtilega heimsókn og góða keppni og óskar
þeim góðs gengis í framhaldi keppninnar.

-/bsg

Hraðskáksmót taflfélaga, liðskipan

Mótið byrjar kl. 20, ágætt að menn mæti upp úr 19:45 í það minnsta.  

 

Sælir, liðskipan hjá okkur:

Björgvin S. Guðmundsson

 

Ingimundur

 

Ingvar Örn

 

Sverrir Unnars

 

Erlingur Jensson

 

Þorvaldur 

 

Félagsmenn SSON velkomnir á boðsmót í Fischersetri 12. júlí

Allir félagar skákfélagsins SSON eru velkomnir á boðsmótið sem hefst kl 14 laugardaginn 12.júlí.

 Hér er afrit af boðsbréfi sem Gunnar Finnlaugsson sendi á valinkunna skákmenn fyrr í sumar.

Boðsmót í Fischersetri

"Staður: Fischersetur á Selfossi
Dagsetning: Laugardagurinn 12. júlí næstkomandi
Tímasetning: Húsið opnar kl 13, taflið hefst um það bil klukkustund síðar fyrir þá sem vilja
Tímamörk: Að hætti Bobby Fischers með viðbótartíma fyrir hvern leik  
Heiðursgestir: Friðrik Ólafsson og Guðmundur Garðar Þórarinsson
Verðlaun verða landbúnaðarvörur frá Selfossi og nágrenni (lax, ostar og annað)

Vona að Guðni Ágústsson geti afhent verðlaunin.

PS1 Guðmundur Garðar Þórarinsson verður með fyrirlestur um LEWIS skákmennina föstudaginn þann 11. júlí klukkan 16.
PS2 Ekki er skylda að leika 1.e4 í fyrsta leik en mjólkurbrúsinn E4 (Stokkseyrarhreppur ef ég man rétt, E6 var á Skipum) verður opinn fyrir þá sem vilja leggja hönd á plóginn  
Verðlaun skákbækur og landbúnaðarvörur".

Allir félagsmenn að mæta 

kv.  bsg

Fjöltefli í Fischersetri á sunnudaginn

Næstkomandi sunnudag 1. júní kl. 14:00 mun Björgvin Smári Skákmeistari Selfoss tefla fjöltefli í Fischersetri. Fjölteflið er opið öllum sem áhuga hafa á að tefla, og eru ungir sem gamlir hvattir til að koma. Þeir sem vilja taka þátt í fjölteflinu vinsamlegast mætið ekki seinna en 13:45, en einnig er hægt að skár sig með því að senda tölvupóst á [e-mail]
 Framkvæmdastjórn Fischerseturs

Grantas Grigorianas 1954-2014

Kveðja frá Skákfélagi Selfoss og nágrennis

 

Við liðsmenn í Skákfélagi Selfoss og nágrennis hörmum fráfall Grantas félaga okkar en hann féll frá 15. maí sl. 
Grantas hafði einstaklega gaman af því að tefla og var einn virkasti félagsmaður skákfélagsins og ávallt boðinn og búinn til að  tefla fyrir félag sitt SSON.
Grantas var mikill keppnismaður og úrræðagóður í flóknum stöðum.  Grantas var bæði glettinn og snarpur og kom það vel fram í skákum hans.
Sjaldan höfðum við séð Grantas jafn glaðan og þegar hann hitti og átti gott spjall við Kasparov fyrrverandi heimsmeistara í skák í mars sl.  í Fischersetri en báðir ólust þeir upp í Bakú í Azerbaijan. 
Við í Sákfélagi Selfoss og nágrennis kveðjum nú ljúfan félaga, Grantas, sem féll því miður frá langt fyrir aldur fram. Við þökkum honum allar góðar stundir.
Við vottum eftirlifandi eiginkonu, börnum og aðstandendum okkar dýpstu samúð.

Stjórn Skákfélags Selfoss og nágrennis. 

Vorskák á léttum nótum, úrslit

 

Magnús Matthíasson hafði veg og vanda af vorskákinn í Setrinu.
Teflt var eftir sérstöku stigakerfi þar sem menn gátu valið sér tíma og átt möguleika á að fá fleiri stig eftir því sem tíminn var minni. Dæmi: 5 stig var hægt að fá fyrir sigur í 1. mín. skák og 4 stig í 2. mín. skák o.s.fva.  Teflt var fjórföld umferð og var mótið  hin mesta skemmtan. Undir lokin var orðið verulega létt yfir mönnum og gekk á ýmsu.

Úrslit.
1.  Björgvin Smári 40 stig.

2.  Magnús Matt.   35 stig.

3. Ingimundur Sigurm. 21 stig.

4. Erlingur Atli             10 stig.  

Kjördæmismót Suðurlands, úrslit

Kjördæmismót Suðurlands var haldið í Fischersetri 25. apríl sl. 

 

Í eldri flokki sigrðai Axel Edilon. Í öðru sæti var Benedikt Fadel. 

Í yngri flokki sigraði Heiðar Óli Guðmundsson eftir mikla og janfa keppni við Almar Mána Þorsteinsson. 

Vorskák á léttum nótum

Þá er komið að hinni árlegu vorskák, þar sem boðið verður upp á léttar fljótandi veitingar. 
Teflt verður eftir Magnúsarfyrirkomulagi þar sem menn geta valið sér tímamörk frá 1-5 mín. 

Færri mín. geta síðan gefið fleiri stig.

Allir að mæta og taka góða skapið með :)

 

 

 

Páskahraðskák, úrslit

Tímamörk voru 3 2 .  Ingvar Örn Birgisson tefldi með gegnum netið/ ICC,  en sem kunnugt er býr hann í Reykjavík. 

 

Úrslit:

1.  Björgvin Smári               8,5

2-3. Grantas og Ingvar Örn   5 v.  

4. Magnús Matt.                    4 v.

5. Þorvaldur                          3,5 v.

6.  Erlingur Atli                      3 v.             

Skákæfing í kvöld kl. 19:30 í Fischersetri

Skákæfing í kvöld 16. apríl.